Tíu laufléttar (flestar) spurningar. Svörin eru fyrir neðan myndina af fuglinum.

Aukaspurningar eru tvær: Hver er konan hér að ofan?

Og hvaða fugl er þetta?

1.  Hvaða ár hófst fyrri heimsstyrjöldin?

2.  Hver var fyrsti utanríkisráðherra Barack Obama?

3.  Hver var Hallveig Fróðadóttir?

4.  Hvaða ofurstjarna í tónlist gaf út plötuna Lemonade fyrir fjórum árum?

5.  Hvað heitir höfuðborg Tékklands?

6.  Hver skrifaði bókina Ég heiti Ísbjörg ég er ljón?

7.  Heiti eins stærsta fyrirtækis í heimi er sama orðið og notað er alþjóðlega um kvenstríðsmenn til forna. Hvaða orð er það?

8.  Hjörsey heitir þriðja stærsta eyjan við Ísland á eftir Heimaey og Hrísey á Eyjafirði. Hjörsey er sjónarmun stærri en Grímsey, sem er í fjórða sæti. En hvar er Hjörsey?

9. Hver er eini forseti Íslands sem hefur dáið í embætti?

10. Hvaða jurt var valin „þjóðarblóm“ Íslendinga árið 2004?

Hér eru svörin:

1. 1914

2. Hillary Clinton

3. Landnámskona, eiginkona Ingólfs Arnarsonar

4. Beyonce

5. Prag

6. Vigdís Grímsdóttir

7. Amazon

8. Í Faxaflóa dugir sem rétt svar, en nákvæmara er þó að segja út af Mýrum

9. Sveinn Björnsson dó 1952

10. Holtasóley

Á stóru myndinni er Marlene Dietrich kvikmyndastjarna og söngkona.

Fuglinn er hrossagaukur.

Næsta skammt á undan af þessari spurningaþraut er svo hérna að finna.

Næsti skammtur á eftir er hins vegar hérna.