Þetta er þriðja spurningaþrautin sem ég bý til í morgunsárið að gamni mínu, hinar tvær fyrri eru hér og svo hér. Og svo eru nýjar spurningar hérna.

Spurningarnar eru alltaf tíu og svörin er að finna undir myndinni af skipinu hér að neðan.

Aukaspurningar eru tvær: Hver er konan á myndinni hér að ofan, og hvaða skip er það sem siglir svo glatt?

1.  Hvað hét fyrsti forseti Bandaríkjanna?

2.  Hver er listgrein Kristbjargar Kjeld?

3.  Hver skrifaði bókina Gunnlaðar saga?

4.  Tónlistarmaðurinn Nayvadius DeMun Wilburn kallar sig Future; hver er hans tónlist?

5.  Margrét 2. Danadrottning hélt nýlega upp á stórafmæli sitt. Hún er, eins og allir vita, kunnust fyrir umfangsmiklar reykingar sínar. En fyrir hvað var Margrét 1. drottning þekktust, en hún var uppi um 1400?

6.  Þjóðleikhúsið hélt nýlega upp á 70 ára afmæli sitt. Hver teiknaði það hús?

7.  Í hvaða landi heitir höfuðborgin Bogotá?

8.  Tveir íslenskir forsætisráðherrar hafa borið nafnið Bjarni Benediktsson. Hver er skyldleiki þeirra?

9.  Hvaða kommúnistaleiðtogi var hrakinn frá Sovétríkjunum árið 1929?

10.  Hvað þýðir orðið krínólína nákvæmlega?

1.  George Washington

2.  Hún er leikkona

3.  Svava Jakobsdóttir

4.  Rapp

5.  Fyrir að koma á fót Kalmarsambandi, sameiginlegu ríki Norðurlandanna

6.  Guðjón Samúelsson

7.  Kólumbíu

8.  Bjarni eldri var afabróðir Bjarna yngra

9.  Trotskí

10.  Grind eða annar útbúnaður til að þenja út pils kvenna, sem var í tísku á 19. öld og örlítið fram á þá 20. 

Svar við aukaspurningum: Á efstu myndinni er Marie Salomea Skłodowska, pólsk vísindakona sem fluttist til Frakklands og fékk þá eftirnafnið Curie með eiginmanni sínum. Skipið er Titanic.