„Í fyrsta skipti á ævinni ótt­ast ég um líf mitt og ást­vina minna,“ segir Philippe Clause, lista­maður og rekst­ar­að­ili á Seyð­is­firði. Hann seg­ist ein­angr­aður í sam­fé­lag­inu og mæta hót­unum um lík­am­legt ofbeldi vegna deilna um fyr­ir­tæki hans.

Philippe er franskur og hefur rekið lista­rýmið Gömlu bóka­búð­ina á Seyð­is­firði og fata­merkið Esualc. Fyr­ir­tæki hans er í 50 pró­senta eigu Sigríðar Guð­laugs­dóttur, sem þekkt er sem Sigga á Boston og hefur verið í skemmti­staða­rekstri. Hún opn­aði í sumar stað­inn Sirkus á Seyð­is­firði í sam­starfi við Philippe, en Sirkus var lengi rek­inn við Klapp­ar­stíg í mið­borg Reykja­víkur.

Í mynd­band sem hann birti á Facebook seg­ist hann hafa rekið mann­eskj­una sem sér um fjár­mál fyr­ir­tæk­is­ins. Philippe vildi ekki tjá sig um ein­staka aðila eða máls­at­vik þegar Stundin hafði sam­band og vís­aði í mynd­bandið. Lög­reglan á Aust­ur­landi gat ekki stað­fest mála­vexti. „Ég hef mætt áreiti á nán­ast hverjum degi og í gær var mér hótað, sagt að ótt­ast um líf mitt á íslensku,“ segir Philippe í mynd­band­inu. „Mér var sagt: „Ég skal drepa þig. Ég ætla að drepa þig.“ Þetta eru óhugn­an­legir hlutir og ég sætti mig ekki við þá. Áður en þetta gerð­ist reyndi sama mann­eskja að keyra mig niður á bílnum sínum. Við­kom­andi sendi ætt­ingja til að ógna mér og reyna að berja mig.“

„Þetta eru óhugn­an­legir hlutir og ég sætti mig ekki við þá“

Sirkus Reykja­víkPhilippe hefur verið í sam­starfi um rekstur skemmti­stað­ar­ins Sirkus á Seyð­is­firði með Sigríði Guð­laugs­dóttur.

Mynd: Ómar Kjartan Yasin

Hann segir einnig að umrædd mann­eskja hafi fengið ætt­ingja til að brjót­ast inn í íbúð­ina sína. „Ég hef verið móðg­aður og það er ófræg­ing­ar­her­ferð í gangi gegn mér með við­bjóðs­legum lygum um einka­líf mitt, heilsu, kyn­hneigð og lífstíl,“ segir hann. „Afleið­ingar þess eru að allt þorpið, sam­fé­lagið hérna, sem ég hef gefið tíma minn, ást og vinnu und­an­farin ár, hefur snú­ist gegn mér. Nema nokkrir sem styðja mig því þeir hafa séð ofbeldið.“

Philippe segir lög­reglu og bæj­ar­yf­ir­völd ekki vilja hjálpa sér. „Þetta er ákall á hjálp,“ segir hann í mynd­band­inu. „Ég hef allan laga­legan rétt til að gera það sem þarf með fyr­ir­tækið mitt. En ég er örvænt­inga­fullur að kalla eftir stuðn­ingi af því að ég er útlend­ingur í land­inu og fal­legt, virt fólk í þessu fal­lega sam­fé­lagi hefur sagt mér að það muni gera hvað sem er til að tor­tíma fyr­ir­tæk­inu mínu. Að ég sé ekki vel­kom­inn lengur í sam­fé­lag­inu, ég sé ein­angr­aður og þau muni gera allt í þeirra valdi til að losna við mig og ég eigi engin rétt­indi. Jafnvel þó þau hafi sam­þykkt mig sem sam­kyn­hneigðan þá hafi ég ekk­ert að gera hér lengur og ég eigi ekki að ráða lög­fræð­ing til að verja mig því við séum ein stór fjöl­skylda. Þetta er mafíu starf­semi.“