Ókeypis skólamáltíðir í Reykjavík munu kosta 1,7 milljarð króna á ári

Eitt umfangs­mesta verk­efnið sem fólgið er í aðgerða­pakka rík­is­ins og sveit­ar­fé­laga til að liðka fyrir gerð kjara­samn­inga, er að tryggja gjald­frjálsar skóla­mál­tíðir í grunn­skólum. Tals­maður Sambands íslenskra sveit­ar­fé­laga segir að öll börn, óháð því hvort þau voru skráð í mat fyrir breyt­ing­arnar muni fá fríar skóla­mál­tíðir. Ekki liggur fyrir hvernig verk­efnið verður útfært í skólum sem hafa útvi­stað mat­ar­þjón­ustu sinni.

Ríkið og sveitarfélögin
Ríkið og sveit­ar­fé­lögin munu deila með sér kostn­að­inum við að gera skóla­mál­tíðir grunn­skóla­barna gjald­frjálsar frá ágúst 2024 til loka samn­ings­tím­ans árið 2028. Mynd: Golli

Öllum grunn­skóla­börnum verða tryggðar fríar skóla­mál­tíðir, óháð því hvor þau voru skráð í áskrift áður en ákvörðun rík­is­ins og sveit­ar­fé­lag­anna um að greiða niður mál­tíð­irnar var tekin. Þetta stað­festir Grétar Sveinn Theó­dórs­son, sam­skipta­stjóri Sambands íslenskra sveit­ar­fé­laga, í sam­tali við Heim­ild­ina.

Tökum Reykja­vík til dæmis. Árið 2023 voru 14.755 nem­endur skráðir í almenna grunn­skóla í Reykja­vík, það er grunn­skóla sem reknir eru af borg­inni. Í svari við fyr­ir­spurn Heim­ild­ar­innar segir tals­maður Skóla- og frí­stunds­viðs borg­ar­innar að um 87 pró­sent nem­enda hafi verið skráð í áskrift að skóla­mat. 

Í haust munu því um 1.900 börn í grunn­skólum Reykja­víkur eiga kost á því að fá skóla­mál­tíð sem ekki voru skráð í mat. Fyrir for­eldra hinna rúm­lega 12.800 barn­anna, sem voru skráð í skóla­mál­tíðir, munu aðgerð­irnar skila sér í auknum ráð­stöf­un­ar­tekjum. 

Kostnaður gjaldfrjálsa skólamáltíða í Reykjavík

Ríkið mun greiða 75 pró­sent af kostn­aði þess að gera skóla­mál­tíðir gjald­frjálsar en sveit­ar­fé­lögin rest­ina. Áætlað er að kostn­aður við þessa aðgerð muni nema um fimm millj­örðum króna. 

Um stórt og metn­að­ar­fullt verk­efni er að ræða og hefur þessi hluti kjara­samn­ing­anna vakið mikla athygli. Ýmis atriði sem snerta nán­ari útfærslu á aðgerð­inni liggja þó en ekki fyrir.

Samkvæmt vef Reykja­vík­ur­borgar kosta skóla­mál­tíðir 12.836 krónur. Gróflega reiknað munu gjald­frjálsar skóla­mál­tíðir kosta tæpar 190 millj­ónir á mán­uði. Af þess­ari upp­hæð mun Reykja­vík­ur­borg greiða um rúmar 47 millj­ónir króna. 

Á árs­grund­velli, að frá­dregnum sum­ar­mán­uð­unum júní, júlí og ágúst, mun aðgerðin kosta ríkið og Reykja­vík­ur­borg um 1,7 millj­arða króna á ári.  

Vinna að útfærslu fyrir skóla sem hafa útvistað skólamatnum

Nú reka ekki allir grunn­skólar eld­hús og útvista þess í stað þjón­ust­unni til einka­fyr­ir­tækja. Á und­an­förnum árum hafa grunn- og leik­skólar í  auknum mæli útvi­stað störfum í eld­húsum skól­anna í hag­ræð­ing­ar­skyni.

Er þetta þrátt fyrir að yfir­lýst stefna borg­ar­innar sé að útvista ekki störfum í eld­húsum í  grunn- og leik­skólum. Hins vegar leggst borgin ekki gegn því ef breyt­ingin er gerð að frum­kvæði stjórn­enda skól­anna.

Spurður hvernig því verði háttað í grunn­skólum þar sem ekki er starf­rækt eld­hús og mál­tíðum er útvi­stað til einka­rek­inna fyr­ir­tækja segir Grétar Sveinn að enn eigi eftir að kom­ast nið­ur­stöðu gagn­vart því atriði ásamt öðrum útfærslu­at­riðum. 

Þá segir Grétar Sveinn að á næstu mán­uðum munu ríkið og sveit­ar­fé­lögin semja um útfærslu ýmsum útistand­andi atriðum. Samkvæmt til­kynn­ingu sem birt var á vef Sambands íslenskra sveit­ar­fé­laga er gert ráð fyrir að búið verða að útfæra verk­efnið fyrir lok maí­mán­aðar á þessu ári.  

Kjósa
6
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

4
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár