Sólveig Anna Jóns­dóttir hefur starfað sem ófag­lærður leið­bein­andi á leik­skóla í átta ár. Útborguð laun hennar, fyrir fullan vinnu­dag, nema 240 þús­und krónum. Á kvöldin og um helgar vinnur hún í verslun til þess að drýgja tekj­urnar og hún er ekki sú eina á vinnu­staðnum sem er í auka­vinnu sam­hliða leik­skóla­starf­inu. „Hér eru mennt­aðir leik­skóla­kenn­arar sem sitja sveittir og prjóna og selja varn­ing­inn til erlendra ferða­manna og ég vinn með tveimur konum sem fara eftir sinn fulla vinnu­dag og skúra ann­ars staðar, fimm sinnum í viku. Þetta er ekk­ert eins­dæmi. Þú getur farið inn á hvaða kvenna-lág­launa­vinnu­stað sem er og þú munt heyra sömu sögu,“ segir Sólveig í sam­tali við Stundina. 

Álagið eykst ár frá ári

Reykja­vík­ur­borg kynnti í miðjum mán­uði aðgerða­á­ætlun í leik- og grunn­skólum en í henni fel­ast meðal ann­ars aukin fram­lög til sér­kennslu, efn­is­kostn­aðar og fag­legs starfs. Alls verður um 920 millj­ónum króna varið til ýmissa þátta í starfi skól­anna. Áætlunin kemur meðal ann­ars í kjöl­far þess að hópur leik­skóla­stjórn­enda í Reykja­vík fjöl­menntu á fund borg­ar­stjóra og færðu honum harð­orða ályktun þar sem skorað var á borg­ar­yf­ir­völd að end­ur­skoða fjár­veit­ingar til leik­skóla.

Sólveig furðar sig meðal ann­ars á því að allt í einu hafi verið hægt að reiða fram tæpan millj­arð til að setja í skóla­mál, ein­ungis nokkrum vikum eftir að hund­rað milljón króna hag­ræð­ing­ar­krafa á leik­skól­ana var kynnt. „Ef þessi millj­arður var til í kerf­inu, af hverju í ósköp­unum vorum við þá að standa í þessum hag­ræð­ing­ar­að­gerðum?“ spyr hún.