„Það er ekki hægt að taka fyrir það að ein­hver bók hafi farið yfir strikið,“ segir Helgi Jónsson, höf­undur barna­bóka­flokks­ins Gæsahúð, en mikil umræða hefur skap­ast á sam­fé­lags­miðlum í dag vegna barna­bóka í ser­í­unni. Bækurnar, sem ætl­aðar eru börnum, lýsa meðal ann­ars nauðgun á fjórtán ára stelpu og móður sem sér fyrir fjöl­skyldu sinni með því að stunda vændi. 

Helgi Jónsson

Um fjórtán ára stelpu er meðal ann­ars skrifað í bók­inni Gæsahúð fyrir eldri - Villi vam­p­íra: „Hann kom upp að henni og dró bux­urnar alla leið niður á gólf. EKKI! Villi reif bók­ina í sundur og hélt henni í klemmdum í hnefa. Hann lagð­ist þétt upp að Sirrí. NEI! EKKI! Kommon. Þetta er svo gott. Þær segja það alltaf, þú sérð ekki eftir því. Þú verður alveg óð í þetta!“

Helgi hafði ekki séð færsl­una þegar blaða­maður náði tali af honum síð­degis en hafði heyrt af henni. Aðspurður hvað hann vilji segja um nauðg­un­ar­at­riðið í bók­inni seg­ist Helgi ekki vera með allar bæk­urnar sem hann hefur skrifað í koll­inum og geti því ekki svarað fyrir það á þess­ari stundu. Umrædd bók kom út árið 2007 og er því tíu ára gömul. Helgi seg­ist aldrei áður hafa fengið gagn­rýni vegna efni bók­ar­innar. 

„Það er ekki hægt að taka fyrir það að ein­hver bók hafi farið yfir strikið. Ég get ekki neitað því.“

Blaða­maður las upp yfir­strik­aðar til­vitn­anir fyrir Helga og spurði aftur hvað honum fynd­ist um þetta atriði. „Þessar Gæsa­húðar-bækur voru skrif­aðar fyrir þennan aldur og það komu nokkrar bækur út sem fjöll­uðu um ýmis konar efni. Það var alls­konar, það má kalla það óhugnað. En það var tekið fram á sínum tíma, líka fyrir yngri, að í raun­inni væru þetta óraun­veru­legar bækur. Þetta væru spennu­sögur sem voru flestar óraun­veru­legar. Ein var geim­vís­inda­saga. Þær voru óraun­veru­legar og áttu í raun ekki að geta gerst í raun­veru­leik­anum. En fyrst og fremst voru þetta óraun­veru­legar sögur, spennu­sögur. En það er ekki hægt að taka fyrir það að ein­hver bók hafi farið yfir strikið. Ég get ekki neitað því,“ segir Helgi. 

Gæsa­húðar bóka­flokknum er skipt í tvennt. Annars vegar eru bækur ætl­aðar börnum í kringum tíu ára og hins vegar bækur ætl­aðar eldri börnum, á gagn­fræða­skóla­aldri, að sögn Helga. Aðal­per­sónan í umræddri bók er fjórtán ára. 

Finnst þér þetta vera við hæfi barna á þessum aldri?

„Þetta er ekki við hæfi barna, nei. Þegar þú segir barn, þá nátt­úr­lega, þetta er ekki hugsað fyrir tíu ára sko. Þetta er ekki hugsað fyrir tólf ára. Þetta er eldra en fjórtán ára sko. Þetta er gagga-ald­ur­inn.“

Það er þá fjórtán, fimmtán og sextán ára?

„Já, já, auð­vitað og flestir lesa upp fyrir sig. Ég svo sem ætla ekk­ert að rétt­læta eitt eða neitt. Ef fólk vill gagn­rýna þá bara tek ég því og játa að gagn­rýnin eigi rétt á sér.“ 

En hefur þú ekki áhyggjur af því að svona atriði í bók sem er ætluð börnum 14, 15 og 16 ára geti gefið þeim óheil­brigða mynd af kyn­lífi?

„Vissu­lega. Þess vegna segi ég, eins og ég sagði áðan, það hefur ekki komið fram gagn­rýni um þetta áður og ég tek gagn­rýni alvar­lega.“    

Blaða­maður spurði Helga einnig út í kafla í Gæsa­húð­ar­bók 14, Týnda drengnum, þar sem móðir drengs­ins stundar vændi til að eiga í sig og á. Sú bók er ætluð enn yngri börnum. „Strák­ur­inn er einn í heim­inum að bjarga sér,“ svarar Helgi. „Það er aðal­málið. Þú getur örugg­lega fundið eina setn­ingu sem segir eitt­hvað um þetta í þá veru en það er þá allt og sumt. Þessi bók er um strák sem er einn í heim­inum og þarf að bjarga sér.“

Hér má sjá umrædda Facebook-færslu: