Advania reisti orkufrekasta gagnaver Íslands í Reykjanesbæ áður en bæjaryfirvöld höfðu samþykkt bygginguna. Gagnaverið er hannað fyrir bitcoin-vinnslu og mun nota um eitt prósent af allri orku í landinu. Starfsemin er fjármögnuð af fyrrum forsætisráðherra Georgíu og einum ríkasta manni heims. Hagnaðurinn skiptir milljörðum en óljóst er hvar hann birtist. Eitt síðasta verk fyrrum meirihluta Sjálfstæðisflokksins var að samþykkja framkvæmdirnar eftir á.
Öryggismyndavélar vakta þrjár stærðarinnar skemmur sem rísa upp úr auðninni — skammt frá fyrrum herstöð Bandaríkjahers á Miðnesheiði. Í fjarska þeysa bílar eftir Reykjanesbrautinni. Séð þaðan mætti halda að þessar þrjár bárujárnsbyggingar væru lítið annað en gamlar birgðageymslur. Þeir sem koma nær átta sig þó fljótlega á að svo er ekki. Hávaðinn í viftunum sem liggja meðfram endilöngum skemmunum ber vott um þær þúsundir tölva sem verið er að kæla innandyra. Námuvinnsla 21. aldarinnar fer fram handan veggjanna. Þar er ekki grafið eftir hefðbundnu gulli, heldur gagnagulli, nánar tiltekið Bitcoins.
Orkumál
Fegurðarskyn á sér „djúpar rætur í sálarlífi okkar“
Veltihringrás og virkjanir: Fyrstu tuttugu mánuðir umhverfisráðherra
Ætla að breyta félagaformi Orkuveitunnar
Fyrsta vindorkuver landsins gangsett í logni
Vilja Geysi, Brennisteinsfjöll og Arnardalsvirkjun í verndarflokk
Athugasemdir