Eitt af stærstu endurskoðunarfyrirtækjum heims hefur verið sakað um vanrækslu og vanhæfni eftir að einn milljarður Bandaríkjadala lak út úr moldavíska hagkerfinu í lok síðasta árs. Sú upphæð jafngildir 15% af þjóðarframleiðslu þessa fyrrverandi Sovétlýðveldis sem jafnframt er fátækasta ríki Evrópu.
Grant Thornton er eitt af stærstu endurskoðunar- og bókhaldsfyrirtækjum Bretlands með útibú í tæplega 20 ríkjum víðsvegar um heiminn. Þeir voru ábyrgir fyrir endurskoðun þriggja stærstu banka Moldavíu þegar fjármagnslekinn átti sér stað. Segja má að upphæðin sem nefnd er hér að ofan hafi með flóknu neti fjármagnsfærslna verið arðrænt úr landinu í gegnum bresk fyrirtæki. Bankarnir þrír hafa stuðst við endurskoðendafyrirtækið Grant Thornton frá því 2010 (Unibank), 2011 (Banca de Economii) og 2013 (Banca Sociala).
Ein afleiðing þessa mikla fjármagnsleka út úr moldóvíska hagkerfinu var sú að ríkisstjórn landsins varð að bjarga fyrrnefndum bönkum með lausnarfé sem jafngildir hálfsárs veltu bankanna þriggja. Eins og gefur að skilja voru áhrifin á þjóðarbúið og gjaldmiðilinn gígantísk; gjaldmiðillinn féll um fjórðung í byrjun árs auk þess sem tímabil samdráttar hófst. Segja má að þessi fjármagnssvik hafi eyðilagt hagkerfi þjóðarinnar á einni nóttu en Moldavía, sem þegar bar þann óeftirsóknaverða titil að vera fátækasta ríki Evrópu, mátti því tæplega við meiri samdrætti.
Upp komst um arðránið í nóvember í fyrra
Moldavíski þingmaðurinn Iurie Chirinciuc, sem var partur af nefnd sem sett var á laggirnar til að rannsaka málið, telur að Grant Thornton hafi vanrækt skyldur sínar sem endurskoðandi umræddra banka. Nýlega spurði hann
Athugasemdir