Þann 23. janúar síðastliðinn lést Abdullah, konungur Sádi-­Arabíu, og hafði hann þá stjórnað landinu í tæp tíu ár. Sama dag og Abdullah féll frá tók Salman, fyrrum krónprins, við krúnunni. Bróðir þeirra beggja, Muqrin, var svo skipaður nýr krónprins og á yfirborðinu virðist erfðaröð landsins vera nokkuð stöðug. Fram til þessa hafa sex seinustu konungar landsins komið úr röðum sona stofnenda landsins, Abdulaziz, sem átti 45 syni og lést árið 1953. Í ljósi þess að Muqrin krónprins er yngsti sonur Abdulaziz og verður auk þess sjötugur á þessu ári er ljóst að núverandi fyrirkomulag er að renna sitt skeið. Afkomendur þessa 45 bræðra hafa alist upp við ótrúlegt ríkidæmi og eru einna helst þekktir fyrir eyðslusemi og munaðarlíf.

Tíu þúsund prinsar

Valdaætt Sádi-Arabíu er vægast sagt fjölmenn, 45 synir Abdulaziz eignuðust velflestir fjöldann allan af börnum, en talið er að prinsar landsins nemi ríflega tíu þúsund. Völd sem og ríkidæmi …