Ríkisstjórnarviðræðum undir stjórn Pírata hefur verið slitið. Þetta staðfestir Birgitta Jónsdóttir, sem fer á fund forseta klukkan 17 í dag þar sem hún mun skila umboðinu. Birgitta segir að viðræðurnar hafi strandað á því að flokkarnir voru ekki tilbúnir til þess að gera málamiðlanir, en erfiðustu málin hafi verið sjávarútvegsmálin og hvernig ætti að fara með ríkisfjármál. 

„Mér finnst rétt, úr því að við komumst ekki lengra með þetta, að umboðið fari eitthvað annað eða að forseti gefi aftur út að öllum sé frjálst að fara í viðræður,“ segir Birgitta í samtali við Stundina.

Fram til þessa hefur hún sagt viðræðurnar ganga vel og verið bjartsýn á að flokkarnir gætu náð saman. Fyrir helgi sagði Birgitta nítíu prósent líkur á að þessum flokkum myndi takast að mynda ríkisstjórn. Hvað breyttist í millitíðinni? „Okkur tókst ekki að fá fólk til að fara í málamiðlanir. Allir voru sammála um hvað þyrfti að …