Rauðir básar eru skýrasta vís­bend­ing um hvaða svínabú á Íslandi hefur farið verst með dýr sín. Myndir sem koma fram í skýrslu Mat­væla­stofn­unnar hafa valdið upp­námi, en þar má sjá dýr í níð­þröngum básum og með legu­sár. Þessir básar eru frá danska fyr­ir­tæk­inu Egebjerg og eru fremur sjald­gæfir á Íslandi. Að sögn fyrr­ver­andi starfs­manns er Stjörnu­grís eitt þeirra fyr­ir­tækja sem notar bása frá þessu fyr­ir­tæki. Stjórnu­grís er með stærstu fyr­ir­tækjum á Íslandi í svína­rækt og þess geta að allt svína­kjöt í versl­unum Bónus kemur frá félag­inu.

„Þessi rann­sókn­ar­blaða­mennska er farin að ganga út í öfgar.“

Stundin ræddi við Geir Gunnar Geirsson, fram­kvæmda­stjóra og einn eig­anda Stjörnu­grís, og segir hann það rétt að fyr­ir­tækið noti bása frá Egebjerg en þver­tekur þó fyrir að nokk­urt dýra­níð hafi átt sér stað á svína­búum Stjörnu­gríss. Hann segir félag sitt ekki vera það eina á Íslandi sem noti bása frá Egebjerg. „Við erum með Egebjerg og líka Funki. Þessi rann­sókn­ar­blaða­mennska er farin að ganga út í öfgar. Þið ættuð bara að tala við MAST. Þeir birta þessar myndir og eru eft­ir­lits­að­ilar. Þeir eru eig­endur þess­ara mynda og eiga að tjá sig um þær,“ segir Geir Gunnar.

„Eitt í við­bót: það er 3.800 gyltur í land­inu og þetta eru myndir teknar fyrir einu og hálfu ári síðan. Ef þetta var ekki lagað við eft­ir­litið þá hefur þetta verið lagað strax á eftir. Það er verið að heim­færa þrjár, fjórar myndir á fjögur þús­und gyltur og alla svín­rækt­un­ina, eins og þetta sé allt í tómu vol­æði og dýra­níði. Það er svipað eins og að taka eina mynd af hor­uðu hrossi út í haga sem er illa farið með og heim­færa það á alla hrossa­bændur. Þetta er eins og ef einn hunda­eig­andi fer illa með hund þá séu allir hunda­eig­endur dýra­níð­ingar og drullu­sokkar,“ segir Geir Gunnar.

Umræðan þoli ekki sannleikann