Hrun hefur orðið í íslenska refastofninum frá árunum 2009 til 2013. Heimamenn í Fljótavík á Hornströndum segja að víkin hafi verið þéttsetin refum en nú séu flestir þeirra horfnir og grenin tóm. Vart varð við tófu þar í síðustu viku en hún fannst síðan dauð við ósinn.
Svipaða sögu er að segja annars staðar af Hornströndum þar sem refir hafa flosnað upp af óðulum sínum og margir þeirra drepist. Þessa dagana er rannsóknateymi vísindamanna á Hornströndum að rannsaka hvað hafi farið úrskeiðis.
Árið 2008 var talið að um 14 þúsund refir væru í íslenska stofninum. 2010 var stofninn mældur með einungis 8 -9 þúsund dýr. Þessi þróun hélt áfram til ársins 2013 þegar svo virtist sem það hægði á þróuninni. Á síðasta ári varð þó vart við mikinn yrðlingadauða. Engin skýring er á þessu ástandi sem er um allt land.
Refir eru alfriðaðir á Hornströndum en annars staðar er stofninum haldið niðri af refaskyttum. Refir á Hornströndum hafa með tímanum orðið mjög gæfir og sumstaðar éta þeir úr lófa ferðamanna. Þetta á sérstaklega við um Hornvík og nágrenni. Göngufólk sem átti leið um Hesteyrarfjörð, Kjaransvík, Fljótavík og Aðalvík fyrir nokkrum dögum varð vart við örfáa refi sem flestir héldu sig fjarri. Að mati þeirra sem til þekkja hefur þarna orðið gjörbreyting og hrun í stofninum.
Smitsjúkdómar
Mislingar, kíghósti og hettusótt snúa aftur
Sóttvarnalæknir varar við lekandafaraldri
Gullfiskur smitaði eiganda sinn
Athugasemdir