Spænskum manni, sem leit­aði á bráða­mót­töku Land­spít­al­ans í byrjun síð­ustu viku vegna blæð­ingar, var tjáð að hann ætti ekki að leita þangað.

Frá þessu greinir El Faro de Reykja­vík, sem er frétta­mið­ill á spænsku sem fjallar um íslensk mál­efni. Maðurinn, sem vildi ekki koma fram undir nafni, lýsti því að honum hafi verið bent á að leita til sér­fræð­ings vegna meina sinna. Þar sem sér­fræð­ing­ur­inn taki ekki á móti bráða­til­fellum og það geti tekið nokkrar vikur að fá hjá honum tíma hafi mað­ur­inn neitað frá að hverfa og kraf­ist þess að láta lækni á bráða­mót­tök­unni skoða sig.

Að lokum komst hann að. Tekin var hjá honum blóðprufa sem leiddi í ljós að hann þurfti á frek­ari aðstoð læknis að halda. Var honum þá tjáð að hann þyrfti að leita til sér­fræð­ings á einka­rek­inni stofu, þar sem „það væri van­inn á Íslandi“. Þremur vikum fyrr hafði hann fengið …