Ung kona fékk fregnir af að hún væri barns­haf­andi í ein­angr­un­ar­klefa á Suð­ur­nesjum. Hún var hand­tekin við komu til lands með kókaín inn­vortis. Hún fékk enga sér­með­ferð í ein­angrun þrátt fyrir að vera barns­haf­andi. 
Konan var hand­tekin við kom­una til lands­ins í upp­hafi sein­asta mán­aðar og fund­ust á henni 600 grömm af kóka­íni inn­vortis. Í við­tali við Stundina lýsir hún því hvernig henni var haldið í ein­angrun á lög­reglu­stöð­inni á Suð­ur­nesjum í nærri þrjár vikur þrátt fyrir að lög­reglu væri kunn­ugt um að hún væri ólétt. Konan, sem við skulum kalla Önnu til þæg­inda, er enn ein erlend kona í neyð sem er hand­tekin hér á landi fyrir fíkni­efna­smygl.
Anna hefur búið í litlum bæ í nágrenni Düs­seldorf í Þýska­landi undan­farin ár en hún á stóra fjöl­skyldu í Nígeríu sem hún hefur þurft að fram­fleyta. Að hennar sögn átti hún að fá um 3.000 evrur fyrir ferð­ina, ríf­lega 400 þús­und krónur. „Ég átti engan pen­ing og var þung­lynd,“ segir konan.

Óléttupróf í einangrun

Anna seg­ist í raun­inni ekki hafa gert sér grein fyrir því hvað hún var að gera. Hana hafi sár­lega vantað fé til að greiða skóla­gjöld systk­ina sinna í Nígeríu sem og kostnað vegna sjö ára sonar síns í Þýska­landi. Hún hafði auk þess hug á að fara sjálf í hönn­un­ar­skóla. „Ég vissi ekki hvað ég var með á mér. Mig sár­vant­aði fé og var kynnt fyrir ákveðnu fólki. Mér datt í raun­inni ekki í hug að þetta gæti verið hættu­legt. Þegar ég var hand­tekin og þeir fundu 600