Hann stendur smjör­greiddur fyrir aftan afgreiðslu­borðið og tekur bros­andi á móti við­skipta­vinum. Allir í hverf­inu kann­ast við Gunnar Jós­efs­son, eig­anda Laug­ar­ásvídeó. Í 30 ár hefur hann staðið vakt­ina og fólk treystir honum.

Sam­úð­ar­alda fór um íslenskt sam­fé­lag þegar kveikt var í víd­eó­leig­unni með eldsprengju árið 2009. Eig­and­inn lýsti harmi sínum í fjöl­miðlum og blásið var til söfn­unar til styrktar honum. Aldrei kom í ljós hver kveikti í og aldrei var upp­lýst hvað brennu­varg­inum gekk til. Þeir sem betur þekkja til tengdu þó brun­ann við gömul og ljót leynd­ar­mál um Laug­ar­ásvídeó sem aðeins er hvíslað um. Oft er dregin upp glans­mynd af víd­eó­leig­unni. En til er fólk sem tengir hana aðeins við myrkur.

Yngsti sonur Gunnars Jós­efs­sonar hefur sakað hann um kyn­ferð­is­brot og til­kynnt föður sinn til lög­reglu. Dóttir Gunnars, sem nú er upp­komin, var marg­sinnis tekin af for­eldrum sínum vegna slæms aðbún­aðar á heim­ili, harka­legra upp­eld­is­að­ferða og gruns um ofbeldi og kyn­ferð­is­brot af hendi sam­starfs­manns föð­ur­ins á leig­unni. Á Laug­ar­ásvídeó störf­uðu tveir dæmdir kyn­ferð­is­brota­menn um ára­bil. Eldri synir Gunnars voru einnig tíðir gestir á leig­unni en þeir hafa verið dæmdir oftar en einu sinni fyrir kyn­ferð­is­glæpi.

Með­eig­andi að leig­unni lýsir því í við­tali við Stundina hvers vegna hann ákvað að selja hlut sinn og stíga aldrei framar fæti inn í Laug­ar­ásvídeó. Stundin hefur rætt við menn og konur sem segj­ast hafa orðið fyrir barð­inu á starfs­mönnum leig­unnar. Á meðal við­mæl­enda er dóttir eins þeirra sem lýsir ljótri reynslu. Þá er rætt við unga konu sem komið var fyrir í pössun á leig­unni þegar hún var sex ára gömul.

Gunnar vísar öllum ásök­unum á bug og seg­ist sjálfur vera fórn­ar­lamb ofbeldis. Hann veltir fyrir sér hvort ásak­an­irnar séu liður í sam­særi sam­keppn­is­að­ila gegn sér.