Tæp 90 pró­sent lands­manna vilja taka á móti flótta­mönnum frá Sýrlandi. Þetta kemur fram í nýrri könnun MMR um við­horf Íslend­inga til þess fjölda flótta­manna frá Sýrlandi sem Ísland ætti að taka á móti á næstu tólf mán­uðum. Tölu­verður munur reynd­ist hins vegar á fjölda þeirra flótta­manna sem svar­endur töldu að ríkið ætti að taka á móti. Lang­flestir, eða 30,2 pró­sent, sögðu að taka ætti á móti fleiri en 500 flótta­mönnum, 25,2 pró­sent sögðu að taka ætti við á bil­inu 151 til 500 flótta­mönnum, 14 pró­sent sögðu að taka ætti við 150 flótta­mönnum og 19,1 pró­sent sögðu að taka ætti á móti allt að fimm­tíu flótta­mönnum.

Skiptar skoð­anir Hátt í helm­ingur svar­enda vildi fá 250 flótta­menn eða fleiri til lands­ins næstu tólf mán­uð­ina.

Mynd: MMR

Eftir stendur að 11,5 pró­sent landa­manna vilja ekki taka á móti neinum flótta­mönnum frá Sýrlandi. Nokkur munur reynd­ist á við­horfi svar­enda til fjölda flótta­manna sem Ísland ætti að taka á móti eftir stuðn­ingi þeirra við stjórn­mála­flokka.

Afstaða eftir hópum Spurt var: Hversu mörgum flótta­mönnum frá Sýrlandi telur þú að Ísland eigi að taka á móti á næstu 12 mán­uðum?

Mynd: MMR

Af þeim sem studdu rík­is­stjórn­ina og tóku afstöðu voru 42 pró­sent sem sögðu að taka ætti á móti engum eða allt að 50 flótta­mönnum á næstu tólf mán­uðum sam­an­borið við 23 pró­sent þeirra sem ekki studdu rík­is­stjórn­ina. Af stuðn­ings­mönnun ein­staka stjórn­mála­flokka reynd­ust fylg­is­menn Bjartrar fram­tíðar hlynnt­astir því að taka á móti miklum fjölda flótta­manna en 36 pró­sent stuðn­ings­manna flokks­ins sögðu að taka ætti á móti fleiri en 2000 flótta­mönnum. Á móti reynd­ust fylgj­endur Fram­sókn­ar­flokks­ins síst þá því að taka á móti flótta­mönnum, en 18 pró­sent þeirra töldu að taka ætti við engum flótta­mönnum frá Sýrlandi á næstu tólf mán­uðum.