Aðalmeðferð fór fram í máli Sævars Arnars Hilmarssonar í vikunni en hann hefur verið ákærður fyrir að hóta Gilberti Sigurðssyni í mars 2014 þegar Sævar sat í fangelsi.
Brotin sem Sævar Örn er sakaður um varða 233. grein hegningarlaga, lög sem halda utan um morðhótanir sem og aðrar hótanir, og varðar brotið allt að tveggja ára fangelsisvist. Um er að ræða Facebook-skilaboð sem bárust Gilberti frá Sævari, en sá síðarnefndi hélt því fram fyrir rétti að hann hefði ekki sent skilaboðin sjálfur þótt þau væru í hans nafni.
Fyrstu skilaboðin voru send rétt fyrir átta 29. mars: „þú ert nu meiri fokkking ræfillinn sökkerpunsar 60 kall og hleypur í burtu eins og fokkking hræ í öðrum skónum þetttaa er fokkking pabbi ég skal fokkking slatra þer fríkið þótt ég þurfi að eyða restinni af æviinni herna innni ég fokkking slatra þér fokkkking kryppplinguirnn þiinnn það er fokkking loforð“.
Forsaga málsins eru átök á milli Gilberts og föður Sævars, Hilmar Leifsson, sem áttu sér stað á Kaffi Mílanó það sama ár. Talsvert var fjallað um það atvikið í fjölmiðlum en Hilmar segir að Gilbert hafi kýlt sig. Í kjölfar þess atviks má segja að harðnað hafi í stríði þeirra á milli og hafa verið lagðar fram kærur til lögreglu á báða bóga. Má þarna helst nefna átök fyrir utan World Class sumarið 2014, önnur átök við Smáralind í september og svo má lengi telja. Hvað sem því líður hafa einungis tvö atvik enn leitt til formlegrar meðferðar yfirvalda, annars vegar fyrrnefnd ákæra vegna hótana og hins vegar nálgunarbann sem Gilbert fékk gegn Sævari í lok síðasta árs.
Athugasemdir