Ásdís Thorodd­sen kvik­mynda­gerð­ar­kona sendir á næstu dögum frá sér sína fyrstu skáld­sögu, Utan þjón­ustu­svæðis – króníka. Hún seg­ist í upp­hafi hafa hugsað sög­una sem kvik­mynda­hand­rit, en hún hafi reynst of efn­is­mikil til að rúm­ast í einni kvik­mynd og svo sé líka bara svo gaman að skrifa – sér­stak­lega í rúm­inu á nótt­unni þegar aðrir sofa.

Ásdís er stödd á Rauf­ar­höfn, þar sem hún dvelur lang­dvölum, en kemur til borg­ar­innar í næstu viku til að fylgja bók­inni úr hlaði. Hún seg­ist hafa byrjað að skrifa sög­una fyrir um það bil tveimur árum og fljót­lega verið bent á að þetta væri skáld­sögu­efni frekar en efni í kvik­mynd. Ástæða þess að orðið króníka sé hluti af  titl­inum sé ein­föld, þetta sé króníka en ekki hefð­bundin skáld­saga með risi og hnigi sem hverf­ist um eina per­sónu. „Þetta er sveita­lífskróníka, lýs­ing á atburða­rás í ákveðnu sam­fé­lagi í vissan tíma,“ segir hún.