Hinn 1. mars síðastliðinn var haldið upp á hnetusmjörsdaginn eða „Peanut Butter Lovers Day“ í Bandaríkjunum í 27. sinn, en hann hefur verið haldinn árlega síðan 1990 fyrsta dag marsmánaðar.  Hnetusmjör er vinsælt viðbit á mörgum heimilum og þá sérstaklega hjá yngri kynslóðinni. Áætlað er að hvert mannsbarn í Bandaríkjunum borði að minnsta kosti 1.500 samlokur með hnetusmjöri og sultu, áður en það nær 16 ára aldri. Um 90% af bandarískum heimilum neyta hnetusmjörs reglulega, og tveir bandarískir forsetar voru jarðhnetubændur, þeir Thomas Jefferson og Jimmy Carter. 

Hnetur eru eins og flestir vita algjör ofurfæða. Þær eru vissulega kaloríumiklar, en líka troðfullar af omega-3 fitusýrum, vítamínum, kalsíum og fleira góðgæti. Jarðhnetur hafa til dæmis þann eiginleika að lækka blóðsykurinn, og er tilvalið til þess að borða epli eða banana með hnetusmjörsklípu, til þess að halda blóðsykrinum stöðugum.

Að búa til heimagert jarðhnetusmjör er sáraeinfalt, en líka miklu bragðbetra en það …