Þótt hörmuleg og mannskæð slys hafi undanfarin tvö ár varpað skugga á hæsta fjall heims hafa hátt í 4.000 manns lagt tindinn að fótum sér. Þeirra á meðal er blindur maður og annar fótalaus. Þá hafa nokkrir öldungar lagt leið sína á tindinn, sá elsti áttræður. Allskonar skráð met eru á hæsta fjalli heims. Sjerpi dvaldi í 23 tíma á toppnum. Þá gekk par í hjónaband á toppnum. 

Sigrar og harmleikir

Everest er 8.848 metrar að hæð. Helsti vandinn við að toppa er súrefnisskorturinn. Flestir sem klífa fjallið eru með súrefniskúta til að létta á önduninni. En það er þó ekki algilt. Allnokkur dæmi eru um að tindurinn hafi verið klifinn án súrefnis sem er næstum ofurmannlegt. Saga fjallsins er mörkuð harmleikjum og stórum sigrum allt frá því menn fóru fyrst að reyna við tindinn. Fyrstir til að sigra þennan hæsta tind heims voru þeir Edmund Hillary, býflugnabóndi frá Nýja Sjálandi, og Nepalbúinn Tenzing Norgay.