Þessi grein birtist upphaflega í Stundinni fyrir meira en 9 árum.

Dularfyllsta trúfélag á Íslandi verður brottfellt á næstunni

Að­eins þrír eru skráð­ir í trú­fé­lag­ið Zuismi á Ís­landi. Svo virð­ist sem með­lim­ir til­biðji fornsúmerska guði. Skráð­ur for­stöðu­mað­ur rek­ur lúx­us­ferða­fyr­ir­tæki.

Dularfyllsta trúfélag á Íslandi verður brottfellt á næstunni
Forstöðumaður Zuism Ólafur Helgi segist hafa yfirgefið trúfélagið. Mynd: Lux.is

Eitt sérkennilegasta trúfélag á Íslandi sem er formlega skráð hjá stjórnvöldum hlýtur að vera Zuismi. Söfnuðurinn fékk formlega skráningu árið 2013 eftir að honum hafði verið hafnað árið áður. Samkvæmt heimildum Stundarinnar verður trúfélagið brottfellt á næstu vikum.

Lítið er að finna um trúfélagið á veraldarvefnum og svo virðist sem það sé ekki til neins staðar annars staðar í heiminum en á Íslandi. Svo virðist sem meðlimir trúfélagsins trúi á fornsúmerska fjölgyðistrú, sem segja má að hafi runnið sitt skeið fyrir um 6000 árum. Skráðir meðlimir eru þrír.

Forstöðumaðurinn sver trúfélagið af sér 

Samkvæmt skráningu er Ólafur Helgi Þorgrímsson forstöðumaður Zuism. Hann er framkvæmdastjóri ferðaþjónustufyrirtækisins Luxury Adventures sem komst í fréttir á dögunum þegar Gísli Freyr Valdórsson, fyrrverandi aðstoðarmaður Hönnu Birnu Kristjánsdóttur, hóf störf hjá félaginu.

Aðspurður um trúfélagið segir Ólafur Helgi: „Það er gamalt, það er reyndar ekki enn þá. Það eru bara mistök hjá skráningu ef þú hefur fengið þær upplýsingar. Það var í einhverja mánuði en það er langt síðan það datt upp fyrir. Ég var í rauninni þarna bara í nokkra mánuði. Ég veit í rauninni ekkert hvað þeir eru að gera í dag.“ 

„Ég er ekkert tengdur þessu í dag.“

Hann segist ekki klár á því hvort söfnuðurinn sé enn starfandi. Ólafur segir enn fremur að hann hafi ekki verið forsprakki Zuism líkt og skráningin bendir til. „Ég er ekkert tengdur þessu í dag og hef ekkert um þetta að segja,“ segir Ólafur.

Guðir súmera
Guðir súmera Hér má sjá minjar frá Súmer sem sýna guði siðmenningunnar.

Brottfellt á næstunni

Líkt og fyrr segir er Zuism trúarbrögð sem finnast hvergi í heiminum nema á Íslandi, utan fornsúmeríu. Samtökin voru samþykkt til skráningar árið 2013 en samkvæmt nýjustu skráningu voru aðeins þrír einstaklingar skráðir í trúfélagið.

Lög sem sett voru í fyrra um trúfélög heimila aðeins skráningu á trúarbrögðum sem hafa fleiri en 25 lögráða einstakling skráða í félagið.

Stundin hefur heimildir fyrir því að Zuism verði á næstu misserum brottfellt af skrá um trúfélög á Íslandi, vegna þess að félagið uppfyllir ekki reglur sem gilda um skráð trúfélög. Reglurnar kveða meðal annars á um að athafnir á vegum félagsins þurfi að fara reglulega fram. Í ljósi þess að félagið hefur aðeins þrjá skráða meðlimi getur félagið ekki uppfyllt þau skilyrði. 

Vagga siðmenningar

Súmerska menningin er talin ein elsta siðmenning mannkynssögunnar en blómaskeið þess var fyrir um 6000 árum síðan. Landsvæði Súmeríu var þar sem Írak er í dag. Elsta þekkta letur í heimi, fleygrúnir, er talið vera súmerískt að uppruna og hefur siðmenningin oft verið kölluð vagga siðmenningar. Hvað varðar trúarbrögð þessarar fornu siðmenningar er flest allt hulið eða gleymt. Það sem lifir er einna helst það sem greypt var í stein.

„Súmerar trúðu því að alheiminum hefði verið stjórnað af hópi lifandi vera, mannlegra í útlit, en ódauðlegar og með ofurkrafta.“

Verur með ofurkrafta

Zuism hélt um tíma úti vefsíðu þar trúarbrögðin voru skýrð nánar. Síðan er ekki virk lengur, en hana má nálgast með aðstoð Wayback Machine. „Zuism er eitt form fornsúmerska trúarbragða, trúarbrögð almennings í fornsúmeríu. Súmerar trúðu því að alheiminum hefði verið stjórnað af hópi lifandi vera, mannlegra í útlit, en ódauðlegar og með ofurkrafta. Súmerar trúðu því að þessar verur væru ósýnilegar mannlegum augum og stýrðu og leiðbeindu alheiminum í samræmi við vel skipulagaðar áætlanir og lög,“ segir á vefsíðunni. 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Júlía Margrét Alexandersdóttir
1
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Júlía Margrét Alexandersdóttir
5
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár