Karl Gauti og Ólafur halda áfram sem þingmenn þrátt fyrir að hafa verið reknir úr flokknum

Báðir þing­menn Flokks fólks­ins, sem reknir hafa verið úr flokknum eftir þátt­töku þeirra í grófum umræðum um aðra þing­menn og for­mann flokks­ins, ætla að halda áfram þing­störfum, þrátt fyrir brott­rekst­ur­inn. Karl Gauti segir annan en hann hafa kallað Eygló Harð­ar­dóttur „galna kerl­ing­ar­klessu“.

K

Karl Gauti Hjalta­son og Ólafur Ísleifs­son, brottreknir þing­menn Flokks fólks­ins, ætla báðir að halda áfram þing­störfum, þrátt fyrir að hafa verið reknir úr flokknum fyrir þátt­töku sína í meið­andi umræðum um for­mann flokks­ins og fleiri stjórn­mála­konur- og menn. Þetta kemur fram í yfir­lýs­ingum þeirra í dag.

Karl Gauti full­yrðir jafn­framt að þau orð sem höfð eru eftir honum um Eygló Harð­ar­dóttur, fyrr­ver­andi ráð­herra, að hún sé „galin kerl­ing­ar­klessa“ og að það sé „ekk­ert í henni“ séu ann­ars en sín. 

Stundin og fleiri fjöl­miðlar sögðu í gær frá því að Karl Gauti Hjalta­son, þing­maður Flokks fólks­ins, hefði kallað Eygló Harð­ar­dóttur, fyrr­ver­andi ráð­herra, „galna kerl­ing­ar­klessu“ á Klaustur bar 20. nóv­em­ber síð­ast­lið­inn.

Í yfir­lýs­ingu segir Karl Gauti að orð­færið í við­kom­andi ummælum sé ekki hans. „Upp­tak­an er afar óskýr en það vefst samt ekki fyr­ir fjöl­miðlum að greina ann­ars veg­ar hvað er sagt og hins veg­ar hver tal­aði. Sjálf­ur get ég hvor­ugt eft­ir að hafa marg­hlustað á þetta brot úr upp­tök­unni. Ég þekki hins veg­ar mitt orð­færi og mína rödd. Þessi orð voru ekki mín og sú rödd sem tal­ar er það ekki held­ur.“

Erfitt er að greina end­an­lega á upp­tök­unni hvort Karl Gauti eða Gunnar Bragi Sveins­son, þing­flokks­for­maður Mið­flokks­ins, lætur orðin falla. Karl Gauti er úr Vest­manna­eyjum, eins og Eygló, en Gunnar Bragi var sam­ráð­herra Eyglóar í rík­is­stjórn Sig­mundar Davíðs Gunn­laugs­sonar, sem einnig var við­staddur umræð­urnar. Gunnar Bragi hefur sjálfur sagt að hann muni lítið eftir því sem hann sagði í umræð­unum og sé hissa á þeim orðum sem hann hefur heyrst segja.

„Það var ekk­ert að frétta hjá þess­ari konu. Galin kerl­ing­ar­klessa.“

„Hún bjó í Vest­manna­eyjum, þess vegna studdi hana eng­inn,“ heyr­ist á upp­tök­unni. „Það var ekk­ert í henni, það var ekk­ert í henni. Það var ekk­ert að frétta hjá þess­ari konu. Galin kerl­ing­ar­klessa.“

„Galin kerl­ing­ar­klessa“Stundin og fleiri fjöl­miðlar hafa greint frá því að ummæli um Eygló Harð­ar­dóttur hafi verið Karls Gauta Hjalta­sonar. Sjálfur vísar hann á aðra.

„Fjöl­miðlar hafa að rang­lega eignað mér setn­ingu úr upp­tök­unni sem svo mjög hef­ur verið í frétt­um að und­an­förnu. Þar fara þeir ein­fald­lega manna­villt og von­andi kemst það álíka vel til skila eins og upp­slátt­ur­inn um það sem ég átti að hafa sagt um Eygló Harð­ar­dótt­ur,“ segir í yfir­lýs­ingu Karls Gauta.

„Sjálf­ur lagði ég ekk­ert það orð í belg sem tal­ist get­ur sið­ferðis­lega ámæl­is­vert.“

„Það er ekki hægt að gera at­huga­semd­ir við að fjöl­miðlar birti efni úr upp­töku af þessu tagi úr því að hún er til. Það er hins veg­ar mik­il­vægt að þeir nálg­ist slíka end­ur­sögn af var­færni og lág­marks­krafa er að þeir viti ná­kvæm­lega hver sagði hvað þegar þeir velja sér upp­sláttar­fyr­ir­sagn­ir um ein­stak­ar setn­ing­ar.

Mér þykir leitt að hafa setið þenn­an fund alltof lengi en sjálf­ur lagði ég ekk­ert það orð í belg sem tal­ist get­ur sið­ferðis­lega ámæl­is­vert. Ákvörðun stjórn­ar Flokks fólks­ins mun engu breyta um áhersl­ur mín­ar í áfram­hald­andi störf­um mín­um sem þing­maður. Ég gaf kjós­end­um mín­um fyr­ir­heit um áhersl­ur og við þau mun ég standa,“ segir í yfir­lýs­ingu Karls Gauta.

Karl Gauti sagði meðal ann­ars í umræð­unum á Klaustri að for­maður flokks­ins hans, Inga Sæland, „gæti grenjað en ekki stjórnað“. Þá gerði hann enga athuga­semd þegar sessu­nautur hans, Bergþór Ólafson, þing­maður Mið­flokksin, kall­aði Ingu „klikk­aða kuntu“.

„Á þeirri ákvörðun ber ég enga ábyrgð en stjórnin alla“

Ólafur Ísleifs­son segir í sinni yfir­lýs­ingu að það séu mis­tök að reka hann úr flokknum. „Vonandi er að þeir sem eftir eru stand­ist þær sið­ferð­is­kröfur sem til þeirra hljóta héðan í frá að vera gerðar. Ég ótt­ast að ákvörðun stjórn­ar­innar muni eftir á að hyggja þykja illa ígrunduð. Með þátt­töku minni í þessu sam­sæti gerði ég ámæl­is­verð mis­tök sem ég biðst afsök­unar á. Ákvörð­unin um brott­rekstur er hins vegar stjórn­ar­innar og mér er til efs að þar hafi fram­tíð­ar­hags­munir flokks­ins verið hafðir að leið­ar­ljósi. Á þeirri ákvörðun ber ég enga ábyrgð en stjórnin alla. Í störfum mínum sem óháður þing­maður utan flokka mun ég halda áfram bar­áttu fyrir þeim mál­efnum og áherslum sem ég lof­aði kjós­endum í aðdrag­anda alþing­is­kosn­ing­anna 2017.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Klausturmálið

Mest lesið

1
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár