Myndband sýnir upphaf eldgossins

Eldgos er hafið á Reykja­nesi á ný. Myndband sýnir hvernig eld­veggur reis á örfáum sek­úndum milli Stóra Skóg­fells og Haga­fells. Upptökin eru nær Bláa lón­inu en áður.

Töluvert rennsli
Töluvert rennsli Stilla úr vef­mynda­vél Live from Iceland af Sundhnúk. Mynd: Live from Iceland

Eldgos hófst á Reykja­nesi klukkan 20.23 í kvöld með litlum fyr­ir­vara. Stórir kviku­strókar voru strax sjá­an­legir á fyrstu sek­úndum eld­gos­ins. Myndband sýnir hvernig eld­veggur rís á örfáum sek­úndum.

Rýming er hafin í Grinda­vík og um 700 til 800 manns var gert að yfir­gefa Bláa lónið og hótel þar. Upptök goss­ins eru á svip­uðum stað og áður á Sund­hnúks­gíga­röð­inni, en sam­kvæmt fyrstu mæl­ingum Veð­ur­stofu Íslands eru þau nær Bláa lón­inu og Svarts­engi en áður. Svo virð­ist sem aðdrag­and­inn hafi verið stuttur en vart var við aukna  skjálfta­virkni aðeins stuttu fyrir gosið.

Við fyrstu sýn var fyr­ir­var­inn tal­inn í mín­útum en það leið ein­ungis um mín­úta frá til­kynn­ingu Veð­ur­stofu Íslands um að skjálfta­virkni sem gæti verið fyr­ir­boði eld­gos áður en eld­gosið sjálft hófst. 

Smá­skjálfta­hrina hófst um klukkan hálf­átta með litlum, grunnum skjálftum við Sund­hnúks­gíga­röð­ina, á svip­uðum stað og gosið átti eftir að brjót­ast út klukku­tíma síðar. Það var síðan mín­útu áður en gosið hófst sem skjálfti að stærð­inni 1,2 mæld­ist á aðeins hund­rað metra dýpi rúmum kíló­metra norður af Stóra Skóg­felli og annar dýpri um 20 sek­úndum síðar. Upptök goss­ins eru skammt suður af fell­inu og nokkur hund­ruð metrum austan við Sýl­inga­fell, en handan þess er Bláa lónið.

Á mynd­band­inu að ofan sést upp­haf goss­ins, fangað af vef­mynda­vél Live from Iceland. 

Bjarminn vel sjá­an­legurEldgosið séð úr Áslands­hverf­inu í Hafn­ar­firði.

Veg­far­endur á Reykja­nes­braut sem hafa sett sig í sam­band við Heim­ild­ina lýsa sjá­an­legur bjarma frá gos­inu. Fólk sem búsett er í yst í Hafn­ar­firði segir einnig frá því að það sjái gosið þaðan. Það á raunar við víðar á höf­uð­borg­ar­svæð­inu en myndin hér að neðan er tekin á Sel­tjarn­ar­nesi stuttu eftir að gosið hófst. 

Sést víðaÞessi mynd er tekin á Sel­tjarn­ar­nesi í 35 kíló­metra fjar­lægð og sést skuggi Stóra Skóg­fells hægra megin við gos­bjar­mann.
Stað­setn­ing gossprunguVeð­ur­stofa Íslands áætlar að stað­setn­ing gossprung­unnar nú sé nokkur hund­ruð metrum vestar en í fyrri gosum og þar með nær Bláa lón­inu.
Kjósa
17
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár