Halla Tómasdóttir býður sig fram til forseta

Halla Tóm­as­dóttir ætlar að gefa kost á sér í emb­ætti for­seta Íslands í sumar. Halla bauð sig einnig fram árið 2016 og hlaut þá næst flest atkvæði. „Ég þekki mátt þess að leiða gott fólk saman til góðra verka.“

Forsetaframbjóðandi
For­seta­fram­bjóð­andi Halla Tóm­as­dóttir ætlar að bjóða sig fram til for­seta í for­seta­kosn­ing­unum sem fram fara 1. júní. Mynd: Aðsend

„Kæru vinir og kæru Íslend­ingar. Ég hef ákveðið að gefa kost á mér í kjöri til for­seta Íslands þann 1. júní næst­kom­andi. Og nú átta árum síðar þarf ég gler­augu til að sjá erindið,“ sagði Halla Tóm­as­dóttir, rekstr­ar­hag­fræð­ingur og for­stjóri B Team, þegar hún til­kynnti um for­seta­fram­boð sitt á blaða­manna­fundi í Grósku í hádeg­inu, sem var vel mjög vel sóttur. Áður hafði hún sagst vera að íhuga alvar­lega að bjóða sig fram. Sá und­ir­bún­ingur er nú form­lega haf­inn en frestur til að skila inn fram­boði rennur út 26. apríl. 

Halla bauð sig fram til for­seta árið 2016 og hlaut þá næst flest atkvæði, tæp 28 pró­sent. Guðni Th. Jóhann­es­son var kjör­inn for­seti með 39 pró­sent atkvæða. Hann til­kynnti, nokkuð óvænt, á nýárs­dag að hann hygð­ist ekki sækj­ast eftir því að gegna emb­ætt­inu áfram.  Halla hefur verið for­stjóri B Team síð­ustu sex ár. „Það eru sam­tök alþjóð­lgra leið­toga sem beita sér fyrir ábyrgri for­ystu, bættu sið­ferði og vel­ferð fólks og umhverfis,“ sagði Halla í fram­boðs­ræðu sinni og bætti við: „Ég þekki mátt þess að leiða gott fólk saman til góðra verka.“ 

FramboðFundur Höllu í Grósku þar sem hún til­kynnti fram­boð var vel sóttur.

Samkvæmt könnun sem Valgeir Magn­ús­son, fram­kvæmda­stjóri TBWA/Norway betur þekktur sem Valli sport, lét fram­kvæma nýlega er 35 pró­sent Íslend­inga jákvæðir gagn­vart því að Halla verði næsti for­seti lýð­veld­is­ins. Af þeim 35% svar­enda sem eru jákvæðir í garð Höllu eru hlut­falls­lega flestir sem segj­ast kjósa Viðreisn. Þar á eftir koma  kjós­endur Flokks fólks­ins og Sam­fylk­ing­ar­innar. Kjós­endur Mið­flokks­ins og Sós­í­alista­flokks­ins eru nei­kvæð­astir í garð Höllu. Af þeim sem eru jákvæðir gagn­vart því að Halla Tóm­as­dóttir verði næsti for­seti Íslands voru tals­vert fleiri konur en karlar. 

Í könn­un­inni var við­horf kjós­enda til Ólafs Jóhanns Ólafs­sonar, rit­höf­undar, og Baldurs Þór­halls­sonar einnig kannað og eru 40 pró­sent jákvæðir gagn­vart fram­boði Ólafs Jóhanns, sem hefur gefið út að hann ætli ekki að sækj­ast eftir emb­ætt­inu, og 53 pró­sent eru jákvæðir gagn­vart fram­boði Baldurs. 

Baldur er „að hlusta á raddir fólks­ins“ en hópur fólks hefur skorað á hann að bjóða sig fram á stuðn­ings­síðu á Facebook. Fleiri eru undir feldi og má þar sem dæmi nefna Jón Gnarr, grínista og fyrr­ver­andi borg­ar­stjóra, Ölmu Möller land­lækni og Helgu Þór­is­dóttur, for­stjóra Per­sónu­verndar.     

Fimm hafa til­kynnt um for­seta­fram­boð en öllu fleiri hafa stofnað til­með­mæla­söfn­unar á island.is, eða 22. 

Frestur til að skila inn með­mæla­söfnun fyrir for­seta­fram­boð er 26. apríl. For­seta­kosn­ingar fara fram 1. júní. 

Fram­boðs­ræðu Höllu má lesa í heild sinni hér að neðan: 

Kæru vinir - kæru Íslend­ingar,

Ég hef ákveðið að gefa kost á mér í kjöri til for­seta Íslands þann 1. júní nk.

Forseti Íslands gegnir mik­il­vægu hlut­verki. Farsælum for­seta þykir vænt um og skilur mik­il­vægi hverrar mann­eskju og hvers byggð­ar­lags okkar ein­stöku þjóðar – án til­lits til póli­tískra dæg­ur­mála. Forseti þekkir upp­runa okkar og rætur, minnir okkur á allt það sem sam­einar okkur og talar hvar­vetna fyrir grunn­gildum okkar. Forseti áttar sig líka á stöðu lands og þjóðar í alþjóð­legu sam­hengi og bæði sér og styður við þá mögu­leika sem fel­ast í styrk­leikum okkar og sér­stöðu.

Und­an­farin sex ár hef ég verið í krefj­andi og lær­dóms­ríku starfi á alþjóða­vett­vangi sem for­stjóri B Team, en það eru sam­tök alþjóð­legra leið­toga sem beita sér fyrir ábyrgri for­ystu, bættu sið­ferði (í við­skiptum), og vel­ferð fólks og umhverfis. Ég hef unnið með stjórn­endum fyr­ir­tækja, stjórn­völdum, og full­trúum ungra kyn­slóða að úrlausnum stórra áskor­ana. Ég þekki vel mátt þess að leiða gott fólk saman til góðra verka. Í okkar röðum eru fram­sýnir leið­togar, fólk sem setur mennsk­una í for­grunn, gengur á undan með góðu for­dæmi og hvetur stjórn­völd jafn­framt til að tryggja að leik­reglur við­skipta­lífs og sam­fé­lags séu rétt­látar.

Ég hef notið hverrar mín­útu í núver­andi starfi og því hefur ákvörð­unin um for­seta­fram­boð ekki verið ein­föld. En ég trúi því ein­lægt að Ísland standi frammi fyrir spenn­andi tæki­færum í heimi sem leitar nú lausna á sviði friðar, jafn­réttis og sjálf­bærni. Á þessum sviðum getum við verið til fyr­ir­myndar og í virkjun þess­ara styrk­leika fel­ast sókn­ar­færi til verð­mæta­sköp­unar og jákvæðrar fram­þró­unar fyrir okkar sam­fé­lag. Ég veit að á þessum sviðum get ég lagst á árar svo um munar. Þetta eru þau mál­efni sem ég brenn fyrir. Þau hafa verið mín leið­ar­ljós í lífi og starfi.

Brýnustu verk­efni hvers sam­fé­lags eru að standa vörð um heilsu og vellíðan fólks, sam­fé­lags­lega sátt og nátt­úr­una sem líf okkar allra og vel­megun byggja á. Á síð­ustu öld hefur Íslend­ingum lán­ast að nýta auð­lindir sínar, menntun og sköp­un­ar­kraft til for­dæma­lausra fram­fara á sviði atvinnu­lífs, menn­ingar og lista. En nátt­úru­öflin sýna sann­ar­lega þessa dag­ana og þessar stund­irnar að þau eru líka ógn­væn­leg. Þjóðin fylgist harmi slegin með ham­för­unum á Reykja­nesi. Enginn getur sett sig í spor þeirra sem verða fyrir svona áfalli. En við vitum að við eigum sam­taka­mátt. Það hefur reynt á hann áður og það reynir á hann nú. Með honum hjálp­umst við að og komumst í gegnum þessa erf­iðu tíma.

Við Íslend­ingar erum hug­rökk þjóð. Við vorum fyrst til að kjósa konu sem for­seta, státum af einu elsta þjóð­þingi ver­aldar, stöndum fremst í nýt­ingu jarð­varma, fram­ar­lega þegar kemur að hug­viti og umhverfi frum­kvöðla, erum sókndjörf og eigum fjöl­marga snill­inga sem hafa numið lönd, unnið til verð­launa og hlotið verð­skuld­aða við­ur­kenn­ingu fyrir afrek í listum og íþróttum, svo fátt eitt sé nefnt. Ég vona ein­læg­lega að okkur lán­ist að vera áfram hug­rökk þjóð sem tekst af æðru­leysi á við það sem að höndum ber og horfir jafn­framt fram á veg með hug­rekki í hjarta. Hugrekki er til alls fyrst og er ómissandi hreyfi­afl allra fram­fara, hvort sem við horfum til frið­sældar, jafn­réttis eða sjálf­bærni.

Elsku vinir og vanda­menn og kæru Íslend­ingar. Ég stend auð­mjúk frammi fyrir ykkur og býð fram krafta mína. Ef þið viljið for­seta sem vill láta til sín taka og trúir að með virkjun sköp­un­ar­gáfu okkar jafnt á sviði menn­ingar, lista og atvinnu­lífs séu okkur allir vegir færir, þá er ég reiðu­búin til að leggja mig fram til gagns og góðs. Ef þið viljið for­seta sem vill byggja brýr, hefur sam­hyggð og lífs­gleði og trúir að jafn­rétti sé lyk­ill­inn að enn sterkara sam­fé­lagi, þá er ég, og við hjónin, ein­lægt til­búin til að þjóna hags­munum okkar Íslend­inga af öllu hjarta.

Kjósa
4
Hvernig finnst þér þessi grein? Skráðu þig inn til að kjósa.

Veistu meira?

Athugasemdir (2)

Skráðu þig inn til að skrifa athugasemd eða kjósa.
  • APA
    Axel Pétur Axelsson skrifaði
    þá er klás schwabb hjá wef búinn að tefla fram sínum frambjóðanda . . . https://youtu.be/cxhRiHTKByA?si=f7kv0yQ9Rn8apM64
    0
  • trausti þórðarson skrifaði
    Vantar einmitt verðbréfasala á bessastaði.Áfram Ástþór
    0
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Forsetakjör 2024

InnlentForsetakjör 2024

Arnar Þór skuldar starfs­mönnum for­seta­fram­boðs­ins laun: „Ég vil fá skýr­ingar á því hvað þetta var“

Arnar Þór Jónsson, hæsta­rétt­ar­lög­maður og stofn­andi Lýð­ræð­is­flokks­ins hefur enn ekki greitt laun nokk­urra aðila sem störf­uðu við for­seta­fram­boð hans á þessu ári. Samkvæmt heim­ildum Mannlífs skuldar Arnar Þór Jónsson laun nokk­urra ein­stak­linga sem unnu við for­seta­fram­boð hans fyrr á árinu. Um er að ræða umtals­verðar upp­hæðir sam­kvæmt heim­ild­unum en Arnar Þór segir í sam­tali við Mannlíf eiga aðeins eftir að...
InnlentForsetakjör 2024

Ástþór þög­ull um fjár­mögnun á fram­boði Ásdísar: „Ég er lang­flott­asti for­set­inn“

Ástþór Magn­ús­son, sexfaldur fram­bjóð­andi til for­seta Íslands, vill ekki upp­lýsa strax hvort hann muni fjár­magna vænt­an­leg for­seta­fram­boð Ásdísar Ránar Gunn­ars­dóttur en hún lýsti því yfir kosn­inga­vöku sinni fyrr á þessu ári. „Ég er offisjalí búin að taka að mér frið­ar­málin, þannig að þið megið búast við mér á 4-8 ára fresti næstu 30 árin,“ sagði for­seta­fram­bjóð­and­inn og fyr­ir­sætan einnig. „Ég...

Mest lesið

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár