Enginn verður ákærður í Skeljungsmálinu

Árið 2015 kærði Íslands­banki nokkra fyrr­ver­andi starfs­menn sína, og þekkta fjár­festa, til hér­aðs­sak­sókn­ara vegna gruns um umboðs­svik, skila­svik, mút­ur­brot og pen­inga­þvætti vegna við­skipta með Skeljung og tengd félög. Nú, átta árum síðar, hefur verið ákveðið að ákæra ekki í mál­inu.

Laus
Laus Svan­hildur Nanna Vig­fús­dóttir fjár­festir var ein af þeim sem lá undir grun í mál­inu og fékk stöðu sak­born­ings við rann­sókn þess. Hún segir í yfir­lýs­ingu, sem hún sendi frá sér ásamt Guðmundi Erni Þórð­ar­syni, að opin­ber rann­sókn á við­skipt­unum „muni hér með eyða öllum vafa um rétt­mæti þeirra.“ Mynd: Nasdaq Iceland

Embætti hér­aðs­sak­sókn­ara hefur ákveðið að fella niður hið svo­kall­aða Skelj­ungs­mál, sem verið hefur til með­ferðar hjá emb­ætt­inu árum saman. Því verður eng­inn þeirra sem lágu undir grun í mál­inu, og sættu hús­leitum og hand­tökum vegna gruns um að hafa framið alvar­leg brot og hagn­ast veru­lega á þeim, ákærður. 

Málið, sem var kært af Íslands­banka árið 2016 og hafði verið til rann­sóknar frá árinu 2016, sner­ist um meint umboðs­svik, meint skila­svik, mög­u­­leg mút­u­brot og mög­u­­legt brot á lögum um pen­inga­þvætti þegar olíu­­­fé­lagið Skelj­ungur og tengd félög voru keypt og seld á árunum 2008 til 2013. Við brot­unum getur legið allt að sex ára fang­els­is­vist. 

Í maí 2018 réðst emb­ætti hér­­aðs­sak­­sókn­­ara í umfangs­­miklar aðgerðir vegna máls­ins sem vöktu mikla athygli. Alls fimm ein­stak­l­ingar fengu stöðu sak­­born­ings við rann­­sókn máls­ins á þeim tíma. Tvö þeirra, Svan­hildur Nanna Vig­­fús­dóttir og Guð­­mundur Þórð­­ar­­son, voru hand­­tek­in í kringum aðgerð­irn­­ar. 

Þrjú önnur, Einar Örn Ólafs­­son, Halla Sig­rún Hjart­­ar­dóttir og Kári Guð­jóns­­son, unnu saman í fyr­ir­tækja­ráð­­gjöf Glitnis fyrir um ára­tug, voru boðuð til skýrslu­­töku á sama tíma. Fólkið var grunað um að hafa mis­­notað aðstöðu sína til að koma eignum út úr banka á und­ir­verði, að hafa nýtt sam­eig­in­­legar eignir Skelj­ungs og bank­ans til að greiða fyrir kaup í félag­inu, að hafa vilj­andi rýrt eignir Íslands­­­banka og að hafa gert með sér sam­komu­lag þar sem Svan­hildur Nanna og Guð­­mundur afhentu hinum þremur sem seldu þeim Skelj­ung yfir 800 millj­­ónir króna hverju fyrir sig fyrir þeirra aðkomu að mál­inu.

Á sama tíma og hand­tök­­urnar áttu sér stað fóru fram hús­­leitir víða um höf­uð­­borg­­ar­­svæðið í tengslum við rann­­sókn máls­ins. Engar eignir voru þó kyrr­­settar á því  stigi máls­ins, en fólkið efn­­aðist allt mjög hratt á nokk­urra ára tíma­bili og eru flest afar fyr­ir­ferða­mikil í íslensku við­skipta­lífi í dag. Einar Örn er til að mynda stjórn­ar­for­maður og einn stærsti hlut­hafi flug­fé­lags­ins Play og stór hlut­hafi í fjár­fest­inga­fé­lag­inu Stoð­um, sem á meðal ann­ars stóra hluti í Sím­an­um, Arion banka, Kviku banka og Bláa lón­inu.

Svan­hildur Nanna er meðal ann­ars stór hlut­hafi í Kviku banka.  Guð­mundur Örn, sem er fyrr­ver­andi eig­in­maður Svan­hildar Nönnu, situr í stjórn Kviku banka.

Rann­sókn máls­ins lauk síðla árs 2021, eða fyrir um tveimur árum. Þá var öllum rann­sókn­ar­gögnum skilað inn til sak­sókn­ara sem þurfti að taka ákvörðun um hvort gefin verði út ákæra í mál­inu eða að felld það nið­ur. Nú liggur fyrir að málið hefur verið fellt niður.

Í til­kynn­ingu frá Svan­hildi Nönnu og Guðmundi segir að þessi nið­ur­staða sýni að „kaup okkar á hlutum í umræddum félögum bar að með eðli­legum hætti og við teljum ein­sýnt, að opin­ber rann­sókn á við­skipt­unum muni hér með eyða öllum vafa um rétt­mæti þeirra.“

Kjósa
10
Hvernig finnst þér þessi grein? Skráðu þig inn til að kjósa.

Veistu meira?

Athugasemdir (1)

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

4
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

6
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár