Á Mannréttindaskrifstofu Íslands er innflytjendum veitt lögfræðiráðgjöf og túlkaþjónusta þeim að kostnaðarlausu. Margrét Steinarsdóttir, framkvæmdastjóri MÍ, segir að konurnar sem leiti til skrifstofunnar til að fá aðstoð í kringum skilnað komi stundum þangað af sjálfsdáðum, en einnig eftir að hafa dvalið í Kvennaathvarfinu eða eftir að lögregla eða aðrir hafa vísað þeim á staðinn. „Við reynum að upplýsa þær um hvaða reglur gilda um skilnað. Það er margt sem þær þurfa að kynna sér, ekki síst ef þær eiga börn með mönnunum.“ 

Margrét þarf oft, þegar konur af erlendum uppruna leita til til hennar, að leiðrétta rangar upplýsingar sem þeim hafa verið gefnar. Hún segir að það sem helst skilji á milli erlendra kvenna og íslenskra í ofbeldissamböndum sé að þær erlendu hafi lítið tengslanet, enda sé þeim oft vísvitandi haldið einangruðum. „Þegar þær eru í vinnu eru þær oft ekki í sambandi við neinn utan vinnunnar, þannig að þær …