Allir alþingismenn sem tóku afstöðu til fyrirspurnar Stundarinnar segjast styðja þrengri skilyrði í lögum varðandi kaup á jörðum. Mikil umræða hefur verið um samþjöppun eignarhalds á landi að undanförnu, meðal annars vegna uppkaupa breska auðkýfingsins James Ratcliffe á jörðum og vatnsréttindum á Norðausturlandi.

Stundin lagði tvær spurningar fyrir alþingismenn með tölvupósti. Sú fyrri hljóðar svo: „Styður þú að þrengri skilyrði verði leidd í lög varðandi kaup á jörðum?“

Allir þeir 22 þingmenn sem tóku afstöðu til spurningarinnar svöruðu henni játandi. Þingmennirnir eru úr öllum þeim flokkum sem eiga sæti á Alþingi. Að sögn ráðherranna Katrínar Jakobsdóttur, Kristjáns Þórs Júlíussonar og Sigurðar Inga Jóhannssonar er frumvarp nú í vinnslu þar sem skilyrði fyrir kaupum verða þrengd samkvæmt tillögum starfshóps sem skilaði skýrslu þess efnis síðasta haust.

Síðari spurningin var: „Telur þú að skilyrði fyrir jarðakaupum ættu að vera þrengri fyrir aðila sem hafa ekki fasta búsetu á Íslandi?“ Í skýrslu starfshópsins …