Nýleg laga­setn­ing í Alabama og ýmsum öðrum Suður- og Mið­vest­ur­ríkjum Banda­ríkj­anna, sem bannar fóst­ur­eyð­ingar eftir sjöttu eða átt­undu viku með­göngu, svokölluð „heart­beat laws“, varpar upp matrað­ar­kenndri fram­tíð­ar­sýn fyrir stóran hluta kvenna í Banda­ríkj­unum. Á sama tíma og Saga þern­unnar eftir Margaret Atwood hefur verið end­ur­gerð sem sjón­varps­s­ería af efn­isveit­unni Hulu virð­ast kristnir aft­ur­halds­sinnar stað­ráðnir í að setja sög­una á svið í raun­heimum.

Bar­áttu­fólk fyrir rétti kvenna til þung­un­ar­rofs hefur þungar áhyggjur af þess­ari sókn fóst­ur­eyð­ing­ar­and­stæð­inga og krist­inna aft­ur­halds­manna, enda glæpa­væða lögin þung­un­ar­rof. Lögin skil­greina fóstur sem full­burða ein­stak­linga fyrir lög­unum. Læknar sem fram­kvæma þung­un­ar­rof í Alabama geta því átt yfir höfði sér allt að 99 ára fang­elsi, og konur kunna að eiga yfir höfði sér lög­reglu­rann­sóknir vegna fóst­ur­missis, eins og nýlegt dóms­mál í Alabama sýnir.

Hvað skýrir þessa vax­andi rót­tækni hins kristna hægris í því sem hefur verið kallað „stríð“ gegn konum, og eru sigrar fóst­ur­eyð­ing­ar­and­stæð­inga á rík­is­þingum …