Fyrr í mánuðinum frumsýndu efnisveiturnar HBO og Netflix heimildamyndina Knock Down the House þar sem við fylgjumst með prófkjörsbaráttu fjögurra róttækra kvenna fyrir þingkosningarnar 2018. Við fylgjumst með því hvernig róttækir grasrótaraktivistar takast á við frambjóðendur sem njóta stuðnings flokksmaskínu Demókrataflokksins auk auðugra stuðningsmanna og stórfyrirtækja. Stjarna myndarinnar er sósíalistinn Alexandria Ocasio-Cortez, þá 28 ára gamall barþjónn og þjónn á Taco-veitingastað í Suður-Bronx. Persónutöfrar hennar og leifturskýr sýn á það verkefni sem hún hefur tekið að sér og vandamálin sem blasa við heilla áhorfendur. Myndin endar með óvæntum og glæsilegum sigri hennar á Joseph Crowley, fjórða valdamesta demókrata fulltrúadeildarinnar.

Sigurinn á Crowley, sem hafði aldrei fengið trúverðugt mótframboð í prófkjöri öll þau 20 ár sem hann hafði setið á þingi, klassískum flokkshesti sem minnti um margt á horfna tíma maskínustjórnmála New York, gaf myndinni yfirbragð ævintýris. Henni hefur enda verið lýst sem „feel-good“ mynd fyrir vinstrimenn. En hún er mun …