„Það ein­hvern veg­inn hentar mér bara ekki lengur að greiða svona mikið í heil­brigð­is­þjón­ustu til að fyr­ir­byggja það að drep­ast fyrir fer­tugt. Þess vegna hef ég farið fram á það við nokkra af þínum for­verum í starfi að reglu­gerð­inni verði breytt, svo hún harm­oneri við það hvernig hlut­irnir eru fram­kvæmdir í alvöru vel­ferð­ar­sam­fé­lagi.“

Þetta segir Lára Guðrún Jóhönnu­dóttir í opnu bréfi til Svan­dísar Svav­ars­dóttur heil­brigð­is­ráð­herra sem hún birtir á Facebook. Lára Guðrún greind­ist með krabba­mein árið 2017 og hefur vakið athygli á þeim miklu fjár­hags­byrðum sem lagðar eru á krabba­meins­veika hér á landi.

Í dag birtir hún bréf til heil­brigð­is­ráð­herra, eins konar eft­ir­lík­ingu af tölvu­pósti sem Kristján Loftsson, eig­andi Hvals hf., sendi Krist­jáni Þór Júl­í­us­syni sjáv­ar­út­vegs- og land­bún­að­ar­ráð­herra.

Frétta­blaðið greindi frá því í morgun að Kristján hefði sent nafna sínum bréf, beðið um að reglu­gerð um hval­skurð yrði breytt og orðið að ósk sinni. Bréfið hófst á orð­unum „Sæll Kristján Þór, Mér þykir leitt að þurfa að hvabba á þér vegna eft­ir­far­andi.“

Mynd: Úr Frétta­blað­inu

Svona hljóðar opið bréf Láru Guðrúnar til heilbrigðisráðherra:

Kæra Svandís,

Mér þykir leitt að þurfa að hvabba á þér vegna eft­ir­far­andi titt­linga­skíts en ég geri að sjálf­sögðu ráð fyrir því að ég sé jafn mik­ils­met­inn þjóð­fé­lags­þegn og Krissi hvala­morð­ingi, en hann virð­ist hafa fundið töfrafor­múl­una þegar kemur að því að breyta reglu­gerðum sér í hag og sýnir okkur hinum gott for­dæmi með því að eiga frum­kvæði að per­sónu­legum breyt­ingum til hins betra. Við viljum jú öll græða meiri pen­ing og það ein­hvern­veg­inn hentar mér bara ekki lengur að greiða svona mikið í heil­brigð­is­þjón­ustu til að fyr­ir­byggja það að drep­ast fyrir fer­tugt.

Þess vegna hef farið fram á það við nokkra af þínum for­verum í starfi að reglu­gerð­inni verði breytt, svo hún harm­oneri við það hvernig hlut­irnir eru fram­kvæmdir í alvöru vel­ferð­ar­sam­fé­lagi.

Tóku þeir vel í mála­leitan mína.

Þetta hefur staðið yfir í meira en tvö ár.

Í með­fylgj­andi við­hengi hef ég sett inn breyt­ingar þær, sem ég fer fram á að verði gerðar með rauðu í “track changes” á reglu­gerð sem snýr að lyfja­kostn­aði og komu­gjöldum krabba­meins­sjúk­linga á Land­spít­al­anum. Ætlun mín var að afhenda for­vera þínum, Óttarri Proppé þetta skjal, en fundi okkar var aflýst vegna ófyr­ir­sjá­an­legra aðstæðna.

Ég breytti lág­marks­greiðslu sjúk­linga úr 73.950 kr. í 0 kr. fyrir komu­gjöld og lækn­is­þjón­ustu og einnig úr 62.500 kr. Í 0 kr. fyrir lyfja­kostnað. Gildir þá engu hvort um er að ræða nið­ur­greiðslu á sam­heita­lyfi eða frum­lyfi, enda treystum við sjúk­lingum til þess að bera ábyrgð á eigin heilsu og eiga kost á að velja það besta fyrir sig óháð fjár­hagi. Annað er auð­vitað mis­munun.

Ef þú gætir ljáð mér hálf­tíma við­tal, þá væri ég þér mjög þakk­lát, en þá get ég farið yfir rök­semdir mínar fyrir breyt­ing­ar­til­lög­unum í ítar­legra máli.

Kveðja,
Lára