Kaþólska kirkjan á Íslandi leggst ein­dregið gegn frum­varpi Svan­dísar Svav­ars­dóttur heil­brigð­is­ráð­herra til nýrra heild­ar­laga um þung­un­ar­rof. „Við berum virð­ingu fyrir líf­inu frá getn­aði til grafar,“ skrifar David B. Tencer, Reykja­vík­ur­biskup Kaþólsku kirkj­unnar, í umsögn sinni um frum­varpið.

Í frum­varpi ráð­herra er lagt til, í sam­ræmi við til­lögur ljós­mæðra og fæð­ing­ar­lækna, að þung­un­ar­rof verði leyft fram að 22. viku með­göngu. Markmið lag­anna er að tryggja konum sjálfs­for­ræði og fullt ákvörð­un­ar­vald um hvort þær ala barn fram að þessum tíma, óháð því hvað liggur að baki ákvörð­un­inni. Eftir lok 22. viku þung­unar verður sam­kvæmt frum­varp­inu heim­ilt að fram­kvæma þung­un­ar­rof ef lífi þung­aðrar konu er stefnt í hættu við áfram­hald­andi þungun eða ef fóstur telst ekki líf­væn­legt til fram­búðar.

Guð­mundur Örn Ragn­ars­son

Í umsögn sinni um frum­varp heil­brigð­is­ráð­herra varpar David B. Tencer Reykjaví­ur­biskup fram eft­ir­far­andi spurn­ingu: „Er ekki kom­inn tími tími til að stöðva þennan heims­far­aldur sem hefur á síð­ustu 20 árum eytt um það bil jafn­mörgum á Íslandi og þeim sem búa á Akureyri og nær­sveitum?“

Guð­mundur Örn Ragn­ars­son, prestur og for­stöðu­maður Sam­fé­lags trú­aðra, er sama sinnis. Raunar telur hann rétt­ast að lagt verði fram „frum­varp til laga um algjört bann við drápum barna í móð­ur­kviði“. 

Í umsögn Silju Báru Ómars­dóttur stjórn­mála­fræð­ings og Stein­unnar Rögn­valds­dóttur kynja­fræð­ings kveður við annan tón. Þær benda á að frum­varpið sam­ræm­ist til­lögum nefndar um end­ur­skoðun á núver­andi lögum og áliti kvenna­sviðs Land­spít­ala.

„Árlega nýta um þús­und konur hér­lendis sér þessa lög­legu, öruggu og mik­il­vægu þjón­ustu. Meg­in­breyt­ingin sem felst í frum­varpi þessu er að konur munu upp­lifa að þær sjálfar geti tekið ákvarð­anir um fram­tíð sína, á eigin for­sendum,“ skrifa þær. „Á tímum þar sem bakslag gegn kven­frelsi og tak­mark­anir á frjó­sem­is­rétt­indum kvenna hafa gert vart við sig víða um heim, er það mik­ils virði að Ísland taki þetta löngu tíma­bæra skref í átt að kven­frelsi.“