Þessi grein birtist upphaflega í Stundinni fyrir meira en 6 árum.
Rannsókn

Svipti sig lífi á geðdeild Landspítalans

Sverr­ir Örn Sverris­son lést 26 ára gam­all, um sól­ar­hring eft­ir að eft­ir­lit með hon­um var lækk­að með þeim til­mæl­um að hann ætti sjálf­ur að láta vita ef líð­an­in versn­aði, jafn­vel þótt hann lýsti leið­um til sjálfs­vígs inni á deild­inni. Tíu dög­um áð­ur hafði ann­ar ung­ur mað­ur fram­ið sjálfs­víg á geð­deild, en spít­al­inn var­aði við um­fjöll­un um mál­ið. „Við héld­um að hann væri kom­inn á ör­ugg­an stað,“ segja bræð­ur hans, sem greina frá því sem gerð­ist.

Ingibjörg Dögg Kjartansdóttir
ingibjorg@heimildin.is

Sverrir Örn Sverrisson lét lífið á geðdeild Landspítalans þann 24. ágúst 2017, tíu dögum eftir að annar ungur maður hafði fyrirfarið sér á öryggisgangi geðdeildar. Í millitíðinni hafði spítalinn ekki gripið til neinna ráðstafana til að tryggja að slíkt gæti ekki endurtekið sig og í svörum frá spítalanum er ekki tekin afstaða til þess hvort spítalinn geti tryggt öryggi sjúklinga í sjálfsvígshættu.

Fjölskylda Sverris stóð hins vegar í þeirri trú að hann væri í öruggum höndum inni á geðdeild og var full bjartsýni varðandi framhaldið. „Það síðasta sem ég sagði við bróður minn var að þetta væri enginn heimsendir, þetta væri bara byrjunin á betra lífi,“ segir Ómar Örn Sverrisson, bróðir hans.

Saga sem þarf að heyrast

Saga Sverris ber vitni um brotalamir í kerfinu sem á að grípa fólkið okkar þegar það þarf mest á því að halda. „Eftir að hafa lesið sjúkraskýrslurnar hans finnst mér greinilegt að það var ekki allt eins og það átti að vera varðandi það hvernig var tekið á hans málum eða hvernig það endaði. Sérstaklega ekki í ljósi þess sem gerðist nokkrum dögum áður,“ segir Heimir Sverrisson.

Bræðurnir lýsa báðir furðu sinni á vinnubrögðum, viðbrögðum og aðbúnaði geðdeildarinnar. Fyrst Sverrir þurfti að deyja þá þurfa aðrir að fá að heyra hvernig þetta var.

„Því miður er þetta saga sem þarf að heyrast og er kannski bara ein af mörgum varðandi þennan málaflokk,“ segir Heimir. „Þetta er málaflokkur sem mér finnst ekki nógu mikið unnið í og sinnt nógu vel. Þessi mál hafa setið á hakanum og það er eiginlega alveg óþolandi að ekki sé meira gert á þessu sviði í heilbrigðiskerfinu. Þessi saga og fleiri þurfa að heyrast. Fólk þarf að átta sig á því hvað þetta ástand er alvarlegt,“ segir Heimir.

Hann er ekki einn um að hafa áhyggjur af ástandinu hér á landi. Í fyrra steig þáverandi landlæknir og núverandi aðstoðarmaður heilbrigðisráðherra fram og sagði geðheilbrigðiskerfið nánast vera í molum.

Viðbrögð spítalans  

Aðeins degi eftir að Sverrir var metinn í bráðri sjálfsvígshættu var hann færður inn á almenna deild þar sem ástand hans þótti stöðugt. Næsta dag fannst hann látinn inni í herbergi sínu.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Nýtt efni

Tími jaðranna er ekki núna
ViðtalFormannaviðtöl

Tími jaðr­anna er ekki núna

Þor­gerð­ur Katrín Gunn­ars­dótt­ir er sá stjórn­mála­mað­ur sem mið­að við fylg­is­mæl­ing­ar og legu flokks­ins á hinum póli­tíska ás gæti helst lent í lyk­il­stöðu í stjórn­ar­mynd­un­ar­við­ræð­um að lokn­um þing­kosn­ing­um. Þor­gerð­ur boð­ar fækk­un ráðu­neyta, frek­ari sölu á Ís­lands­banka og sterk­ara geð­heil­brigðis­kerfi. Hún vill koma að rík­is­stjórn sem mynd­uð er út frá miðju og seg­ir nóg kom­ið af því að ólík­ir flokk­ar reyni að koma sér sam­an um stjórn lands­ins.
Engin svör borist frá Bakkavararbræðrum
Fréttir

Eng­in svör borist frá Bakka­var­ar­bræðr­um

Kjara­deilu starfs­fólks í verk­smiðju Bakka­var­ar í Bretlandi er hvergi nærri lok­ið. Sendi­nefnd á veg­um breska stétt­ar­fé­lags­ins kom ný­ver­ið til lands­ins til að ná at­hygli bræðr­anna Lýðs og Ág­ústs Guð­munds­sona og þrýsta á þá til að beita sér fyr­ir því að leysa úr kjara­deil­unni. Eng­in svör hafa borist frá bræðr­un­um og út­lit er fyr­ir að verk­falls­að­gerð­ir fé­lags­manna muni drag­ast fram yf­ir des­em­ber.
„Við mætum í vinnuna til þess að sigra“
Á vettvangi

„Við mæt­um í vinn­una til þess að sigra“

Kona sem sit­ur á bið­stofu með fleira fólki er að grein­ast með heila­æxli og það þarf að til­kynna henni það. En það er eng­inn stað­ur sem hægt er að fara með hana á, til að ræða við hana í næði. Í ann­an stað er rætt við að­stand­end­ur frammi, fyr­ir fram­an sjálfsal­ann en þá fer neyð­ar­bjall­an af stað og hama­gang­ur­inn er mik­ill þeg­ar starfs­fólk­ið hleyp­ur af stað. Í fjóra mán­uði hef­ur blaða­mað­ur ver­ið á vett­vangi bráða­mót­tök­unn­ar á Land­spít­al­an­um og fylgst með starf­inu þar.

Mest lesið undanfarið ár