Samfylkingin mælist stærst en Viðreisn tapar fylgi

Sam­fylk­ingin mælist með 29,6 pró­senta fylgi í nýjum Þjóð­ar­púlsi Gallup og bætir við sig 1,7 pró­sentu­stigum frá því í júlí. Sjálf­stæð­is­flokk­ur­inn mælist næst­stærstur með 26,8 pró­sent og bætir við sig 1,4 pró­sentu­stigum. 

Mið­flokk­ur­inn mælist með 15,6 pró­senta fylgi og Viðreisn með 9,7 pró­sent. Viðreisn tapar 1,7 pró­sentu­stigum frá júlí og er það stærsta breyt­ingin á fylgi ein­stakra flokka milli mán­aða.

Fram­sókn­ar­flokk­ur­inn mælist með 5,5 pró­senta fylgi og Flokkur fólks­ins með 4,8 pró­sent. Vinstri græn, sem eiga ekki full­trúa á Alþingi eftir síð­ustu kosn­ingar, mæl­ast með 3,6 pró­sent og Sós­í­alista­flokkur Íslands, sem aldrei hefur átt þing­full­trúa, með 2,4 pró­sent.

Könnun Gallup 4.–31. ágúst 2026

Þjóðarpúls Gallup fyrir september. Fylgi flokka á landsvísu samkvæmt net– og símakönnun sem Gallup gerði dagana 4. - 31. ágúst 2026. Vikmörk á fylgi við flokka eru 0,4-1,3%. Úrtakið í netkönnun var tilviljunarúrtak úr Viðhorfahópi Gallup, en úrtakið í símakönnun var tilviljunarúrtak úr Þjóðskrá.

Samfylkingin

29,6%

Sjálfstæðisflokkurinn

26,8%

Miðflokkurinn

15,6%

Viðreisn

9,7%

Framsókn

5,5%

Flokkur fólksins

4,8%

Vinstri græn

3,6%

Sósíalistaflokkurinn

2,4%

0%5%10%15%20%25%30%

Heimild: Gallup. Úrtak 13.836, svarhlutfall 40,2%. Strikalínan er 5% þröskuldurinn fyrir jöfnunarsæti.

Flokkur fólksins langt undir kjörfylgi

Rík­is­stjórn Kristrúnar Frosta­dóttur er mynduð af Sam­fylk­ing­unni, Viðreisn og Flokki fólks­ins. Saman mæl­ast flokk­arnir nú með 44,1 pró­sents fylgi. Það er svipað og í júlí, þegar sam­an­lagt fylgi þeirra var 44,5 pró­sent, en tals­vert minna en sam­an­lagt kjör­fylgi …