Það er vel mögulegt að efnahagslegar áhyggjur og kvíði yfir afkomu sinni hafi mun meiri áhrif en hingað til hefur verið talið ljóst. Meðan að lífskjarakrísan vegna verðbólgu er vel viðurkennt hugtak í nágrannalöndunum þá virðist íslensk efnahagsstjórn miðast við það að pína áfram og enn meira þá sem eru skuldsettir og með verðtryggða lána- eða húsaleigusamninga. Erlendis eru opinber útgjöld búin að vera aukin til að slá á lífskjarakrísuna og ná niður verðbólgu undanfarinna ára á meðan sú aukning hérlendis hefur helst nýst vel stæðum fjölskyldum við að greiða niður húsnæðislán og eignast ríkisstyrkta rafbíla. Þensla sem sögð er valdur að verðbólgunni hér er nánast horfin en þá er vísað til þess að launahækkanir síðustu tveggja ára hafi verið of miklar þegar samið var um minni hækkanir er verðbólgu. Þeir kjarasamningar hafi skapað hækkun matvælaverðs og annars heimilisreksturs. Verði þeim sagt upp er frekari vaxtahækkunum hótað.

Hugmyndafræði nýfrjálshyggjunnar sem …