Borgarfulltrúar Reykjavíkurborgar hafa heimilað regluverði Reykjavíkurborgar að fá fullan aðgang að tölvusamskiptum sínum í tengslum við leka á ársreikningi Reykjavíkurborgar í lok apríl í tengslum við rannsókn á mögulegum markaðssvikum með leka á innherjaupplýsingum.

Á fundi borgarráðs fyrir helgi kom fram að ársreikningur Reykjavíkurborgar er bundinn lögmæltri trúnaðar- og þagnarskyldu og teljast upplýsingarnar jafnframt til innherjaupplýsinga þar sem borgin er útgefandi skuldabréfa á skipulögðum markaði. Óheimil miðlun slíkra upplýsinga getur varðað refsingu samkvæmt lögum um innherjaupplýsingar og markaðssvik.

Þá segir í bókun meirihlutans að leki af þessu tagi grafi undan trúverðugleika Reykjavíkurborgar gagnvart fjárfestum, eftirlitsaðilum og almenningi og brjóti gegn grundvallarsjónarmiðum um jafnræði markaðsaðila og ábyrga upplýsingagjöf.

Í bréfi regluvarðar sem er meðfylgjandi málinu í borgarráði kemur fram að málið megi rekja til birtingar mbl.is þann 27. apríl síðastliðinn þar sem mátti finna allar helstu upplýsingar og lykiltölur ársreikningsins.

Svo segir í útskýringum regluvarðar. „Atvik voru með þeim hætti …