Tilraunir til að sameina flokkana sem féllu af þingi í síðustu kosningum og Sósíalista fyrir komandi borgarstjórnarkosningar runnu út í sandinn mörgum að óvörum. Sameiningin strandaði ekki á einu atriði heldur samspili ólíkra þátta, svo sem skorti á trausti á milli aðila og málefnalegri samlegð. Þá hjálpaði ekki sú staðreynd að Píratar skilgreina sig ekki sem vinstri flokk. Aðeins Vinstri græn og Sanna Magdalena Mörtudóttir náðu saman að endingu. Það gæti bjargað báðum frá því að falla út úr borgarstjórn.

Vantaði traust í viðræður

Viðræður flokkanna fóru fram á síðustu vikum, bæði á formlegum og óformlegum fundum. Þær einkenndust þó af tortryggni milli þeirra sem sátu við borðið, þrátt fyrir að flestir flokkanna hafi unnið saman í borgarstjórnarmeirihluta undanfarin ár og mynda í raun meirihluta í dag. Ljóst var að brekka yrði að ná sáttum í deilu Sósíalista við sinn gamla leiðtoga, Sönnu Magdalenu Mörtudóttur, borgarfulltrúa flokksins, sem hóf vegferðina …