Guðlaugur Þór Þórðarson segir að það líði ekki dagur án þess að hann sé hvattur til þess að færa sig yfir í borgarstjórnarmálin. Hann segist ekki annað geta en að hlusta á hvatningarorðin. En hann sé þó enn á þingi, þannig sé staðan nú. Hann er einn af þeim þingmönnum sem setið hafa hvað lengst á Alþingi en hann tók fyrst sæti rétt fyrir síðustu aldamót. Margt hefur breyst að hans mati. Sjálfstæðisflokkurinn stendur frammi fyrir stórum áskorunum, fjölmiðlaumhverfið aldrei verið flóknara og að margvísleg vá standi fyrir dyrum.

Hann átti í snörpum orðaskiptum við Vladimar Pútín, þar sem sá síðarnefndi leysti skóreimarnar í miðju argaþrasinu og spurði af hverju Íslendingar svindluðu ekki á viðskiptabanni við Rússa eins og aðrar þjóðir.

Sjálfstæðisflokkurinn stendur á krossgötum, hann hefur aldrei staðið frammi fyrir jafnmikilli samkeppni á hugmyndatorgi hægri vængsins, þar sem hann keppir við popúlíska þjóðernishyggju og frjálslyndan hægri flokk sem vill …