Fyrir ákveðna kynslóð af söngleikjaaðdáendum markaði Moulin Rouge! þáttarskil. Kvikmynd Baz Luhrmann breytti reglunum, hækkaði allt í botn og skapaði einn eftirminnilegasta kvikmyndasöngleik seinni tíma. Til að gæta gagnsæis þá er höfundur af fyrrnefndri kynslóð. Nú má upplifa töfra Rauðu myllunnar á leiksviði í Borgarleikhúsinu undir leikstjórn Brynhildar Guðjónsdóttur. En listin, eins og lífið, er stundum þyrnum stráð. 

Söngvaskáldið Christian er ungur maður í leit að sjálfum sér og hvert er betra að fara um aldamótin 1900 en til Parísar, á bólakaf í undirheima borgarinnar með bóhemum sem lifa fyrir frelsið, listina og ástina. Christian er á augabragði orðin lykilmaður í áformum tveggja listamanna til að sviðsetja leikrit í Rauðu myllunni þar sem þau jaðarsettu skemmta yfirstéttinni gegn greiðslu, og fellur samstundis fyrir stjörnu staðarins, Satine. 

Moulin Rouge! er heljarinnar söngleikur og vitnisburður um hæfileikafólkið sem starfar í sviðslistum á landinu. Leikhópurinn og tónlistarfólkið gefur mikinn kraft í sýninguna en …