Lést í kjölfar sprengjuárásar sem varð fyrir utan heimili hans. Hann stóð fyrir framan eiginkonu sína, sem einnig er blaðamaður, og barnunga dóttur þeirra.

„Það var sunnudagur. Roshdi átti að taka upp sjúkraliða að sinna skyndihjálp. Ég sagði honum að ég hefði áhyggjur af verkefninu og að ég vildi ekki að hann sæti í sjúkrabíl til að taka upp því það væri ráðist á þá. Hann sagði: „Hver mun taka upp ef ég geri það ekki? Einhver þarf að koma skilaboðunum áleiðis.“

Svona lýsir blaðakonan Shrouq Al Aila deginum sem eiginmaður hennar lést. Hann komst þó aldrei í sjúkrabílana til að taka upp því hann lést í sprengjuárás nálægt heimili þeirra áður en hann náði að leggja af stað.

„Við settum hann í teppi og bárum hann undir sprengjuregni á spítalann. [...] Roshdi þurfti neyðaraðgerð, sem aðeins læknar taugasérfræðingar, geta framkvæmt. Slíkir læknar voru ekki á staðnum.“

Belal Jadallah lést í loftárás í Zeitoun-hverfinu í Gazaborg. Hann var virtur palestínskur blaðamaður og leiðandi talsmaður frjálsra fjölmiðla í Gaza. Hann stofnaði Press House-Palestine, sem beitti sér fyrir tjáningarfrelsi og þjálfun blaðamanna. Í færslu á Facebook skömmu fyrir andlát sitt syrgði hann samstarfsmann sem hafði verið drepinn: „Orð ná ekki að lýsa sorg minni yfir þessu sára tapi.“

Hún lét lífið í sprengjuárás á heimili sínu þann 20. nóvember 2023.

„Við getum ekki miðlað öllu. Það eru hlutir, sama hversu mikið fólk tekur upp og skrásetur, sem ekki er hægt að tjá. Hvenær mun þessu stríði ljúka? Hver verður eftir til að segja fólki hvað varð um okkur? Það sem við þurftum að þola og það sem við sáum? Við horfum upp á allt tortímast fyrir augum okkar.“

Drepinn í sprengjuárás á fjölmiðlatjald við Al-Shifa spítalann 10. ágúst 2025.

„Ég hef upplifað sársauka í öllum sínum myndum, fundið þjáningu og oftsinnis þolað missi. Samt hikaði ég aldrei við að koma sannleikanum á framfæri eins og hann er, án þess að afbaka hann eða falsa – svo Allah geti borið vitni gegn þeim sem þögðu, þeim sem sættu sig við dráp okkar, þeim sem kæfðu andardrátt okkar og þeim sem létu sundurtættar líkamsleifar barna okkar og kvenna sig engu varða og gerðu ekkert til að stöðva fjöldamorðin sem þjóð okkar hefur mátt þola í meira en eitt og hálft ár.“

Hún var drepin 25. ágúst 2025 í árás á al-Nasser spítala.

„Þegar ráðist er á blaðamann spyrjum við okkur hvert okkar muni lenda í því sama á morgun. Við höfum hvorki skjól né öryggi.“