Múslimi sem hefur búið í 30 ár á Íslandi segist varla geta trúað þeim umræðum sem hafa átt sér stað á landinu að undanförnu.
Jasmin Vajzovic segir í færslu á Facebook að síðustu daga og mánuði hafi hann upplifað eitthvað sem hann hafði ekki upplifað síðan hann flutti til landsins frá Bosníu og Hersegóvínu. Hann segist stoltur af uppruna sínum og að margir sem þekkji hann og konuna hans viti ekki að þau séu múslimar.
„Elskaði að búa hér á Íslandi í síðustu 30 ár en með hverjum mánuði ári er mér farið að líða illa hér,“ skrifar Jasmin.
Hann segist í fyrsta sinn flokkaður eftir trúarbrögðum og uppruna. „Ég er mjög sár og orðinn mjög leiður að ég er flokkaður sem glæpamaður af því einhver skemmd epli hafa komið hingað og brotið af sér sem eru með sömu trúarbrögð og ég. Múslimar er ekki eins alls staðar!“
„Þetta eru ekki múslimar, þetta eru glæpamenn sem gera það“
Hann segir að þó hann deili trú á sama guð og aðrir múslimar sé ekki um að ræða einsleitan hóp. Kona sín gangi ekki með slæðu eins og margir sem skrifa á kommentakerfi fjölmiðla geri ráð fyrir. „Já ég er múslimi en hef aldrei lyft hendi gegn konunni eða börnunum mínum,“ skrifar hann. „Þetta er besta sem maður á í lífinu, fjölskyldan. Ég geng ekki með hnífa á mér úti í bæ og sting hina og þessa eins og margir halda að múslimar geri, sem er þvæla. Þetta eru ekki múslimar, þetta eru glæpamenn sem gera það.“
Kvíðir fyrir framtíð dóttur sinnar
Hann segist allt hafa gert til að vera eins og Íslendingur og skilað meiru til ríkisins en margir Íslendingar. „Við tölum öll íslensku, tökum þátt í öllu sem er í boði en erum komin á þann stað núna eftir 30 ár að við erum helvítis útlendingar og múslímar sem á að reka úr landi, sem ég fæ að heyra mjög oft, sem ég hef ekki heyrt fyrstu 28 ár og mér er farið að kvíða fyrir hvernig framtíðin verður fyrir barnið mitt hér. Ég verð farinn fljótlega, þið verð laus við mig en veit ekki með barnið mitt.“
Hann segist kvíða fyrir framtíð dóttur sinnar. „Hún er fædd hér, er má segja Íslendingur en það er alltaf horft á hana sem útlending því eftirnafnið hennar er ekki dóttir heldur Vajzovic. Sem á ekki að skipta máli en gerir það samt.“
Jasmin segist hafa orðið fyrir vonbrigðum með fólk sem hann hélt að væru vinir sínir en „taka þátt í þessu bulli og eru að pósta svona viðbjóð og flokka alla múslima og útlendinga í sömu körfu af því eitt og eitt skemmt epli er í körfunni.“
vegna skorts á mannafla í þau störf