Það glaðnaði í lofti í apríl, sem var óvenju sólríkur að þessu sinni. Aðra vikuna í maí brast síðan á með mestu hitabylgju sem vitað er um í maí hér á landi. Þá mældist hiti 20 stig eða meira einhvers staðar á landinu tíu daga í röð svo vitnað sé í Veðurstofu Íslands. 

Eftir dimman vetur þustu Íslendingar út undir bert loft til að sleikja sólskinið. Á sólríkum, heitum dögum hefur færst í aukana að Íslendingar hafi áfengi um hönd, að þeir skáli fyrir sólinni.

Þetta sést glögglega á sölutölum Vínbúðarinnar. Vikuna heitu, 11.–17. maí, keyptu Íslendingar tæpa 504 þúsund lítra af áfengi í Vínbúðinni. 

„Þetta er mjög mikil sala og í hverri einustu búð, enda var varla ský yfir landinu,“ segir Sveinn V. Árnason, framkvæmdastjóri hjá ÁTVR. 

Sötra Sider í sólinni

Svo virðist sem svokallaður Sider, sem er ávaxtavín með ávaxtablöndum, séu vinsælustu áfengu drykkirnir á heitum, sólríkum …