Lands­fundur Sam­fylk­ing­ar­innar er í Graf­ar­vogi, nánar til­tekið í Fossa­leynir Studio – kvik­mynda­töku­veri nálægt Egils­höll­inni. Fánar Sam­fylk­ing­ar­innar merkja henni hús­næðið og A4-blöð beina fólki á réttan stað inni í hús­inu, sem er tækni­lega séð skemma.

Inni er eilítið hrör­legt þótt ein­hverjir hafi greini­lega lagt mikið á sig til að gera rýmið huggu­legra, til dæmis hefur ein­hver sett páskaliljur á borðin. Gólfið er steypt og það er köld og björt lýs­ing. Svört tjöld hylja vegg­ina sem virð­ast við nán­ari skoðun vera eins og á bíl­skúr. Það er dálítið kalt hérna inni. 

Mynd: Golli

Við inn­rit­un­ar­borð er fólk að gera grein fyrir sér. Ég fæ að vera ómerkt. Enginn rauður hálsmiði fyrir mig. Bakvið mig í röð­inni spjalla tveir rosknir karlar, sem eru greini­lega ánægðir að vera mættir. „Alltaf gaman að mæta. Hvort sem er í ólgu­sjó eða ekki,“ segir annar þeirra við hinn. 

Hægra megin við borðið er gangur sem hýsir meðal …