Veiði­manna­þorpið Otangani, skammt frá höf­uð­borg Gabon, Libreville, hefur hvorki renn­andi vatn né raf­magn – en von­ast samt til að laða að ferða­menn.

Þrátt fyrir mjúkan, hvítan sand og dýra­líf þjóð­garð­anna eru fáir ferða­menn á Pointe-Denis-skag­anum, þar sem þorpið er.

Á nýliðnum sunnu­dags­morgni var bar og veit­inga­staður, Kossi, skammt frá Otangani, tómur.

Annars staðar á skag­anum dvelja ríkir Gabon­búar og útlend­ingar frá Libreville í fáum lúx­us­hót­elum, þegar þeir flýja borg­ina um helgar.

Vinsæl afþrey­ing felur í sér vatna­skíði og fjór­hjól, en þorpið stendur við jaðar þjóð­garðs þar sem hægt er að sjá apa, buffala og fíla.

„Þjóð­garð­ur­inn færir okkur ekki ferða­menn og við viljum þróa sam­fé­lags­mið­aða ferða­þjón­ustu,“ segir leið­sögu­mað­ur­inn Gérard Adande Avili.

Hann hefur útbúið gisti­rými í timb­ur­húsi sínu með útsýni yfir mangróf­skóga, í þeirri von að hvetja „venju­legt fólk í Gabon sem hefur ekki mikla pen­inga en vill kom­ast úr borg­inni, skemmta sér og tengj­ast rótum sínum á ný“, …