Félags­dómur dæmdi í dag verk­föll Kenn­ara­sam­bands Íslands í 13 leik­skólum og sjö grunn­skólum víða um land ólög­mæt. Þetta kemur fram í til­kynn­ingu frá Sambandi íslenskra sveit­ar­fé­laga. Sam­bandið fór í mál gegn Kenn­ara­sam­band­inu vegna verk­falls­að­gerð­anna. 

Verkfall KÍ í Snæ­fellsbæ er ekki dæmt ólög­mætt þar sem allir félags­menn leik­skóla­kenn­ara greiddu atkvæði í því sveit­ar­fé­lagi um verk­fallið. Því þarf KÍ að láta af verk­föllum í þeirri mynd sem þau hafa verið, að Snæ­fellsbæ und­an­skildum. Sam­bandið gerir ráð fyrir því að þau börn og kenn­arar sem hafa verið í verk­falli und­an­farna viku mæti því til skóla í fyrra­málið, að leik­skól­anum í Snæ­fellsbæ und­an­skildum.

Síðasta samn­inga­fundi í húsa­kynnum rík­is­sátta­semj­ara lauk síð­degis á föstu­dag og næsti fundur er boð­aður á morgun, mánu­dag. 

Fyrstu verk­föllin hófust 29. októ­ber eftir að samn­inga­fundum í kjara­deilu Kenn­ara­sam­bands Íslands og Sambands íslenskra sveit­ar­fé­laga ann­ars vegar og rík­is­ins hafði lokið án árang­urs. Þá hófst ótíma­bund­ið verk­fall í fjór­um leik­skól­um en tíma­bund­ið verk­fall í þrem­ur grunn­skól­um, ein­um fram­halds­skóla og ein­um tón­list­ar­skóla. Síðan hafa bæst við fleiri skólar og hafa verk­falls­að­gerðir alls staðið yfir í fjórtán leik­skólum og sjö grunn­skólum. KÍ stefndi á að frek­ari verk­föll myndu hefj­ast á næst­unni í sex skólum til við­bótar.