Ójafn­vægi nær­ing­ar­efna er talið hrjá 74 pró­sent alls land­bún­að­ar­lands ríkja Evr­ópu­sam­bands­ins. Ofgnótt köfn­un­ar­efnis í jarð­vegi er að verða útbreidd­ara vanda­mál sem gæti reynst skað­legt heilsu manna, ræktun, vist­kerfum og lofts­lag­inu. Á sama tíma er magn líf­ræns kolefnis, sem er nauð­syn­legt til að halda jarð­vegi heil­brigðum, að minnka á land­bún­að­ar­svæðum. 

Þetta kemur fram í nýrri skýrslu sem unnin var og gefin út í sam­starfi fram­kvæmda­stjórnar Evr­ópu­sam­bands­ins og Umhverf­is­stofn­unar Evrópu. Í skýrsl­unni kemur fram að nauð­syn­legt sé að bregð­ast nú þegar við áður en skað­inn verði. Gríð­ar­legt magn skíts frá dýrum sem haldin eru á verk­smiðju­búum víðs vegar um álf­una, er meðal ástæðna þess að þetta ástand hefur skap­ast. 

Ofgnótt köfn­un­ar­efnis í jarð­vegi hefur verið þekkt vanda­mál um hríð. Ójafn­vægi nær­ing­ar­efna í jarð­vegi spillir vist­kerfum, hefur áhrif á vöxt og við­gang villtra jurta og ann­arra líf­vera.