Fréttir

Aðskilnaðarstefnu hunda og mannfólks verði hætt

Geirs­nef hef­ur gríð­ar­lega mikla þýð­ingu fyr­ir hunda­eig­end­ur sem eitt ör­fárra lausa­göngu­svæða og því ætti ekki að breyta í borg­ar­garð með af­girtu hunda­gerði, segja hunda­eig­end­ur.

Aðskilnaðarstefnu hunda og mannfólks verði hætt
Borgargarður? Borgaryfirvöld vilja búa til það sem þau kalla borgargarð á Geirsnefi. Það svæði hefur hingað til verið notað fyrir lausagöngu hunda. Mynd: Reykjavíkurborg
Birtist fyrir 2 árum.

Hundaeigendur eru afar ósáttir við áformaðar breytingar á Geirsnefi sem myndu þýða að þrengt yrði verulega að því litla svæði innan borgarmarkanna þar sem sleppa má hundum lausum. Íbúasamtök Grafarvogs taka undir þessar áhyggjur. Reykjavíkurborg bendir hins vegar á, í skipulagslýsingu að svæðinu sem er nú auglýst, að með þéttingu íbúabyggðar í Vogabyggð og við Ártúnshöfða verði Geirsnef sífellt mikilvægara útivistarsvæði fyrir íbúa. Leggja borgaryfirvöld því til að Geirsnef verði gert að borgargarði, útivistarsvæði með náttúrulegu yfirbragði. Hundaeigandi bendir hins vegar á: „Best væri að fá borgargarð á Geirsnefi þar sem lausaganga hunda væri leyfð. Hætta þessari aðskilnaðarstefnu hunda og mannfólks.“

„Fíllinn í stofunni er að enginn mun nota borgargarð á þessum stað“
Félag ábyrgra hundaeigenda

Félag ábyrgra hundaeigenda segist í umsögn sinni við skipulagslýsinguna sjá ýmislegt athugavert við hugmyndir borgarinnar að nýju deiliskipulagi fyrir Geirsnef. Bent er á að oft sé ekki hlustað á hundaeigendur en að vonast sé eftir að það verði nú gert. „Geirsnef hefur verið griðastaður fyrir hundaeigendur síðustu áratugina þar sem við höfum getað leyft hundunum okkar að hlaupa lausum,“ segir í umsögninni. Önnur lausagöngusvæði eins og Geldinganes og Hólmsheiði séu framtíðar byggingarland og þegar þau detti út í náinni framtíð þá verði engin aðgengileg lausagöngusvæði eftir innan borgarmarkanna. „Geirsnef hefur því gríðarlega mikla þýðingu fyrir hundaeigendur í borginni.“

Í skipulagslýsingunni er ekki fjallað sérstaklega um aðgengi hunda en Félag ábyrgra hundaeigenda hefur rýnt í teikningarnar og segja að svo virðist sem fjarlægja eigi lausagöngusvæðið og setja í staðinn afgirt hundagerði. Slík gerði megi þegar finna á nokkrum stöðum í borginni en þau komi engan veginn í staðinn fyrir lausagöngusvæði.

„Fíllinn í stofunni er að enginn mun nota borgargarð á þessum stað,“ segir í umsögn félagsins. „Það hefur enginn kallað eftir honum og nálægðin við ósnortna náttúru Elliðaárdalsins gerir það að verkum að allt fólk sem hefur áhuga á að eyða tíma utandyra mun sækja þangað.“

Íbúasamtök Grafarvogs minna í sinni umsögn á að Geirsnef sé landfylling gerð úr gömlum öskuhaugum. Svæðið hafi verið nýtt af hundaeigendum lengi, þeim til mikillar ánægju og heilsubótar. Vilja samtökin að aðgengi að lausagöngusvæði hunda á Geirsnefi verði tryggt er Borgarlínan komi þar um. 

Kjósa
17
Hvernig finnst þér þessi grein? Skráðu þig inn til að kjósa.

Athugasemdir (3)

Skráðu þig inn til að skrifa athugasemd eða kjósa.
  • HÓ
    Helga Óskarsdóttir skrifaði
    11. desember 2024 19:52
    Þetta er vel "hannað" hundagerði af náttúrunnar hendi. og alveg nauðsynlegt að hundaeigendur hafi einhvern stað þar sem þeir geta haft hunda lausa að leika sér. Dalurinn hjá Keldum er dásamlegur útivistarstaður með gömlum trjálundum og þarf að varðveita miðjuna í honum til framtíðarútivista
    0
  • JL
    Jón Logi skrifaði
    9. desember 2024 13:04
    Algjörlega glötuð hugmynd. Reynslan sýnir að hundaeigendum er ekki treystandi til að fara eftir reglum. Ganga með hundana lausa og beisli í hendinni til málamynda. Því meiri aðskilnaður milli hunda og íbúa því betra.
    1
  • GGJ
    Guðl. Gauti Jónsson skrifaði
    9. desember 2024 11:35
    Hundagerði og útivistarsvæði þar sem lausaganga hunda er leyfð eru tveir mjög ólíkir staðir. Hið fyrra er staður þar sem hundar geta örnað sér en hið síðara svæði þar sem hundaeigendur geta stundað útivist með hundunum sínum ótjóðruðum. Það mælir ekkert á móti því að aðrir en hundaeigendur noti svæðin líka.
    1
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Reykjavík yfir landsmeðaltali í PISA en Reykjanesbær undir á öllum sviðum
6
InnlentNiðurstöður PISA

Reykja­vík yf­ir lands­með­al­tali í PISA en Reykja­nes­bær und­ir á öll­um svið­um

Mennta­mála­ráðu­neyt­ið hef­ur birt nið­ur­brot á nið­ur­stöð­um PISA eft­ir sveit­ar­fé­lög­um. Mun­ur á frammi­stöðu nem­enda í stærstu sveit­ar­fé­lög­um lands­ins minnk­ar þeg­ar tek­ið er til­lit til bak­grunns þeirra. Reykja­vík helst þó yf­ir lands­með­al­tali í vís­ind­um, stærð­fræðilæsi og lesskiln­ingi en Reykja­nes­bær und­ir á öll­um þrem­ur svið­um.

Mest lesið

Mest lesið í vikunni

Snýr aftur í hjúkrunarfræði eftir heilablæðingu
1
ViðtalLífið á Grensás

Snýr aft­ur í hjúkr­un­ar­fræði eft­ir heila­blæð­ingu

Við­bragðs­að­il­ar héldu að Björn Ólaf­ur Har­alds­son væri út­úr­dóp­að­ur þeg­ar hann lá á gólf­inu með blæð­ingu í heila. Hann var 21 árs og í hjúkr­un­ar­fræði­námi þeg­ar áfall­ið reið yf­ir og þurfti ít­rek­að að leið­rétta mis­tök ófag­lærðs starfs­fólks á heil­brigð­is­stofn­un­um. Nú stefn­ir hann á að klára nám­ið og koma sterk­ari til baka.
Reykjavíkurborg takmarkar aðgengi að tónlistarnámi
3
Tónlist

Reykja­vík­ur­borg tak­mark­ar að­gengi að tón­list­ar­námi

Þrátt fyr­ir stefnu Reykja­vík­ur­borg­ar um jafn­an rétt til list­sköp­un­ar lýsa skóla­stjórn­end­ur tón­list­ar­skóla þung­um áhyggj­um af þró­un mála. Ald­urstak­mörk hafi orð­ið til þess að vísa þurfti nem­end­um úr námi og aðr­ir kom­ist aldrei að. Sí­fellt sé þrengt að starf­semi tón­list­ar­skóla þar til þeir verði ann­að­hvort að sam­ein­ast eða loka.

Mest lesið í mánuðinum

Katla sem breytti heilbrigðiskerfinu
1
ViðtalLífið á Grensás

Katla sem breytti heil­brigðis­kerf­inu

Eng­inn á Ís­landi hef­ur lif­að af jafn al­var­leg­an mænusk­aða og Katla Guðna­dótt­ir sem lenti í dul­ar­fullu bíl­slysi 22 ára göm­ul. Hún er föst á Grens­ás­deild þar sem kerf­ið hef­ur ekki af­greitt beiðni henn­ar um heima­þjón­ustu. Bar­átta henn­ar hef­ur þeg­ar skil­að for­dæma­lausri ákvörð­un í heil­brigð­is­ráðu­neyt­inu en oft líð­ur henni eins og fólki hefði þótt það auð­veld­ara ef hún hefði ekki lif­að slys­ið af.

Mest lesið í mánuðinum

Nýtt efni

Mest lesið undanfarið ár