Fréttir

Landspítalinn var undirbúinn undir skotárásir, eitranir og geislun

Land­spít­al­inn var með við­bún­að á með­an þingi Norð­ur­landa­ráðs stóð. Sam­kvæmt svari hans við fyr­ir­spurn­um Heim­ild­ar­inn­ar var und­ir­bún­ing­ur­inn gerð­ur að beiðni al­manna­varn­ar­deild­ar rík­is­lög­reglu­stjóra. Ekki hafi þó ver­ið auk­ið í mönn­un vegna þings­ins held­ur að­eins skerpt á skipu­lagi og við­bragðs­áætl­un­um, og eng­in þjonusta skert.

Landspítalinn var undirbúinn undir skotárásir, eitranir og geislun
Forseti Úkraínu Að sögn spítalans var enginn sérstakur viðbúnaður innan hans vegna komu Selenskís til Íslands. Mynd: Golli
Birtist fyrir 2 árum.

Viðbúnaður var á Landspítalanum í lok október vegna komu erlendra þjóðarleiðtoga til Íslands þegar þing Norðurlandaráðs fór fram. Beiðnin um ráðstafanir innan spítalans kom frá almannavarnadeild ríkislögreglustjóra. 

Í skriflegum svörum Landspítalans við fyrirspurnum Heimildarinnar segir að nokkrar hugsanlegar sviðsmyndir hafi verið undirbúnar. Þar á meðal tölvuárásir, eitranir, geislun, slys, tilfallandi veikindi einstakra aðila eða vegna hópatburða, til dæmis í kjölfar mótmæla. 

Þá hafi spítalinn þurft að vera undirbúinn fyrir að skotárásir, sýkingar eða árásir á orkuinnviði ættu sér stað. 

Samkvæmt Landspítalanum var hvergi aukið í mönnun vegna þingsins heldur aðeins skerpt á skipulagi og viðbragðsáætlunum. Þá segir í svörum spítalans að viðbúnaðurinn hafi ekki haft áhrif á þjónustu við sjúklinga. Enga þjónustu hafi þurft að skerða.

Enginn auka viðbúnaður vegna Selenskís

Þing Norðurlandaráðs fór fram í Reykjavík 28.-31. október síðastliðinn undir yfirskriftinni: „Friður og öryggi á norðurslóðum.“ Þingið sóttu meðal annars forsætisráðherrar hinna Norðurlandaþjóðanna auk Volodómírs Selenskís, forseta Úkraínu.

Að því er kemur fram í svari spítalans til Heimildarinnar var áætlunum ekki breytt eftir að í ljós kom að Selenskí væri væntanlegur til landsins, þá var enginn auka viðbúnaður innan spítalans vegna hans.

Það er í höndum Landspítalans að ákveða hvernig ráðstafanirnar eru útfærðar en áhættumati er komið til hans í samtali við almannavarnadeild ríkislögreglustjóra. Viðbúnaðurinn innan spítalans var minni núna í október en hann var þegar leiðtogafundur Evrópuráðsins fór fram í Reykjavík í maí 2023. 

Áhersla á netöryggi

„Háttsettum aðilum erlendra ríkja fylgir öryggisgæsla þar sem vopnaburður er raunveruleikinn. Undir venjulegum kringumstæðum eru vopn eða vopnaburður óheimill innan Landspítala. Ef um er að ræða atburði sem koma fyrir háttsetta aðila þarf að vera búið að hugsa fyrir ferli þjónustunnar fyrir þá aðila ekki hvað síst vegna öryggisvarða. Í grunninn er þjónusta við aðila sem koma hér í opinberum erindagjörðum sú sama og veitt er dags daglega til annarra sem sækja þjónustu til Landspítala. 

Í tilvikum á borð við risastóra atburði á borð við Evrópuráðs- og Norðurlandaráðsþing þar sem að öryggisógn er til staðar umfram það sem er daglega er brugðið á að bregðast við ógninni. Í tilviki Norðurlandaráðsþings var aðaláherslan á að standa vörð um netöryggi,“ segir í svari frá spítalanum. 

GæslaStóraukin öryggisgæsla var í miðborg Reykjavíkur vegna þingsins.
Mynd: Golli
Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

„Já“ þarf mörgum sinnum en „nei“ bara einu sinni
5
GreiningHorft til Evrópu

„Já“ þarf mörg­um sinn­um en „nei“ bara einu sinni

Ef „nei“ verð­ur nið­ur­stað­an á morg­un leggst Evr­ópu­um­ræð­an í dvala en skýt­ur upp koll­in­um síð­ar að mati Ól­afs Þ. Harð­ar­son­ar, pró­fess­ors emer­it­us. Verði „já“ nið­ur­stað­an þyrfti að kom­ast yf­ir marga þrösk­ulda áð­ur en Ís­land gengi í ESB, hvað þá tæki upp evru. Mörg rök „nei“-hreyf­ing­ar­inn­ar séu einnig rök gegn áfram­hald­andi veru í EES.
Vildu ekki koma aftur til Íslands með 100 manna hóp
6
InnlentHorft til Evrópu

Vildu ekki koma aft­ur til Ís­lands með 100 manna hóp

Vil­borg Arna Giss­ur­ar­dótt­ir tók á móti 100 frönsk­um kon­um sem komu hing­að til að keppa í vetr­arí­þrótt­um. Kostn­að­ur­inn kom í bak­ið á skipu­leggj­end­um móts­ins sem ákváðu að fara næst til Finn­lands. Finn­ar hafa nýtt styrki ESB við upp­bygg­ingu heim­skauta­ferða­mennsku, en Vil­borg vann að verk­efni í byggða­þró­un á Suð­ur­landi sem fékk 100 millj­óna styrk þeg­ar Ís­land var síð­ast í að­ild­ar­við­ræð­um.

Mest lesið

Mest lesið í vikunni

Hvar eru skattgreiðslur þeirra auðugustu?
4
Hátekjulistinn

Hvar eru skatt­greiðsl­ur þeirra auð­ug­ustu?

Marg­ir þeirra efstu á Há­tekju­lista Heim­ild­ar­inn­ar í ár seldu fyr­ir­tæki sem þeir höfðu byggt upp í ára­tugi og fengu ein­skipt­is hagn­að. Kerf­ið ger­ir hins veg­ar auð­ug­ustu Ís­lend­ing­um auð­velt að halda arði og hagn­aði af eigna­sölu inni í fé­lög­um sín­um án þess að greiða af þeim skatt. Rík­ið borg­aði út­svar þeirra á list­an­um sem ein­göngu voru með fjár­magn­s­tekj­ur.

Mest lesið í mánuðinum

Mest lesið í mánuðinum

Nýtt efni

„Eins spennandi og það gæti orðið“
InnlentHorft til Evrópu

„Eins spenn­andi og það gæti orð­ið“

Mjótt er á mun­um í þjóð­ar­tkvæða­greiðslu um hvort Ís­land eigi að fara í að­ild­ar­við­ræð­ur við Evr­ópu­sam­band­ið. Hall­dór Benja­mín Þor­bergs­son fagn­aði á með­an nei var yf­ir og sagði að í dag hafi tæp­lega 300 mætt til þess að hringja út, 19 hafi hringt yf­ir 400 sím­töl hver og einn yf­ir 700 sím­töl. Sig­mund­ur Dav­íð Gunn­laugs­son seg­ir að bú­ið sé að kljúfa þjóð­ina og Reykja­vík frá lands­byggð­inni. Þor­gerð­ur Katrín Gunn­ars­dótt­ir seg­ir að sama hvernig fer þá sé­um „við öll í sama liði“.

Mest lesið undanfarið ár