Margrét Tryggva­dóttir hefur í sam­starfi við ýmsa teikn­ara og bóka­gerð­ar­menn sett saman mynd­list­ar­tengdar bækur fyrir full­orðna, ung­linga og börn sem snúa upp á sögu­legan fróð­leik; þær hafa hugað að braut­ryðj­endum í mynd­list, sjálfum Kjarval og Reykja­vík á fyrri tíð meðal ann­ars.

Í þessum harð­spjalda­bókum er að finna leik í umbroti, djarfa sam­setn­ingu lita í líf­legum mynd­skreyt­ingum og lestexta, krot á spass­íur og kynd­uga notkun graf­ískra bragða svo ritin eru hvert um sig óform­leg, full af lífi og gleði sem hrekkur af síð­unum. Í verk­mát­anum er skipu­lega brotið á reglu en samt öllu haldið til haga.  

Nýjast þess­ara verka Mar­grétar og Lindu Ólafs­dóttur er bók um Einar Jónsson – Einar og Anna, kona hans, í Hnit­björgum, vinnu­stofu, heim­ili og sýn­ing­ar­sal sem Einari tókst með atfylgi að láta ríkið/þjóð­ina byggja fyrir sig – og Önnu. Má líta svo að þessi mynda­bók sé mark­viss til­raun höf­und­anna að opna leið að safni Einars og …