„For­sæt­is­ráð­herra, Bjarni Bene­dikts­son, hefur beðist lausnar fyrir sig og ráðu­neyti sitt. Því liggur fyrir að rík­is­stjórnin hefur lokið erindi sínu. Samtöl leiddu ekki til ann­arrar lausnar á þeirri stöðu sem upp er komin og það er nið­ur­staða þing­flokks VG að taka ekki þátt í starfs­stjórn undir þessum kring­um­stæðum. Ráð­herrar VG verða frá og með morg­un­deg­inum almennir þing­menn og munu nálg­ast þau brýnu mál sem nauð­syn­legt er að ljúka á Alþingi af ábyrgð og skyldu­rækni. Ég hef fulla trú á þing­inu, það hefur áður tek­ist á við flókna stöðu.“

Þetta kemur fram í Facebookfærslu Svan­dísar Svav­ars­dóttur, for­manni Vinstri grænna, sem hún birti um það leyti sem Bjarni Bene­dikts­son gekk út af fundi við for­seta Íslands þar sem beiðni hans um heim­ild til að rjúfa þing var sam­þykkt. Bjarni gaf þá engin afdrátt­ar­laus svör um hvort ráð­herrar Vinstri grænna myndu starfa í þeirri starfs­stjórn sem nú tekur við fram að kosn­ingum sem fara fram 30. nóv­em­ber. Bjarni sagð­ist þó ekki vita til þess að ráð­herrar almennt hafi áður neitað að starfa í starfs­stjórnum og ítrek­aði mik­il­vægi starfa þeirra og skyldur. Hann sagði þó enn­fremur að það væri ekk­ert mál ef ein­hverjir ráð­herrar myndu ákveða að hætta. 

Í færsl­unni séri Svandís sér þvínæst að kosn­inga­bar­átt­unni framundan.

„Ákall almenn­ings eftir lausnum, vegna verð­bólgu og vaxta, í efna­hags­málum, hús­næð­is­málum, í almanna­þjón­ustu og fleiri mik­il­vægum mála­flokkum heyr­ist skýrt. Við í VG teljum að það sé eng­inn lausn önnur en öflug félags­hyggja, ekki séu aðrar leiðir færar til þess að takast á við raun­veru­legar áskor­anir sam­tím­ans. Í anda félags­legs rétt­lætis, femín­isma, friðar og grænna stjórn­mála höldum við á fund kjós­enda.

Erindi VG er skýrt, við munum gera okkar til þess að vinstrið eigi öfl­uga rödd á Alþingi Íslend­inga fáum við til þess umboð. Ég hlakka til! Sjáumst þarna úti.“

Halla Tóm­as­dóttir, for­seti Íslands, ávarp­aði blaða­menn í kjöl­far fundar við Bjarna sem lauk skömmu fyrir klukkan fimm. Þar sagð­ist hún telja seg­ist  „heilla­væn­leg­ast“ fyrir þing og þjóð að gengið verði til kosn­inga. Því hygg­ist hún fall­ast á til­lögu for­sæt­is­ráð­herra um að þing verði rofið. 

Bjarni ræddi þvínæst við blaða­menn og sagði gott að það sé komið á hreint að þing­rofs­beiðnin hafi verið sam­þykkt „og nú stefnum við á kosn­ingar 30. nóv­em­ber eins og ég lagði upp með. Nú hef ég sam­þykkt að sitja í starfs­stjórn eins og fyr­ir­séð var að myndi ger­ast,“ segir Bjarni. 

Þegar þessi forms­at­riði séu frá þurfi að binda um síð­ustu málin á þing­inu og segir Bjarni fjár­lögin þar fara fremst. 

Spurður hvort ráð­herrar Vinstri grænna ætli að sitja í starfs­stjórn­inni segir Bjarni ekki kann­ast við að það hafi gerst að ráð­herrar neiti slíku. Það kæmi honum „veru­lega á óvart“ ef ráð­herrar „sem hafa ríkum skyldum að gegna“ myndu ekki sitja í starfs­stjórn.  Bjarni virt­ist þó ekki hafa fengið svör frá Vinstri grænum um þetta. 

Á svip­uðum tíma og hann ræddi við blaða­menn birti Svandís færslu sína þar sem kom fram að Vinstri græn tækju ekki þátt í starfs­stjórn­inni.