Um ára­mótin verður toll­frelsi skemmti­ferða­skipa á svoköll­uðum hring­sigl­ingum afnumið. Cruise Iceland, sem er sam­starfs­vett­vangur fyrir aðila sem starfa innan skemmti­ferða­skipa­geirans á Íslandi, lýsa veru­legum áhyggjum af þess­ari ákvörðun stjórn­valda. Ákvörð­un­inni hafði verið frestað um eitt ár, m.a. vegna ábend­inga frá hags­muna­að­ilum. Töldu þeir brýnt að fjár­hags­legar afleið­ingar afnáms toll­frels­is­ins yrðu metnar. Það segja þeir ekki enn hafa verið gert.

Samkvæmt breyt­ingu á lögum um gistin­átta­skatt, sem sam­þykkt var á Alþingi í des­em­ber í fyrra, er gild­is­svið lag­anna víkkað og taka frá og með næstu ára­mótum til rekstr­ar­að­ila skemmti­ferða­skipa þegar þau dvelja innan toll­svæðis íslenska rík­is­ins. „Talið er nauð­syn­legt og rétt, m.a. út frá sann­girnis- og sam­keppn­is­sjón­ar­miðum gagn­vart hótel- og gisti­þjón­ustu hér á landi, að far­þegar sem gista um borð í skemmti­ferða­skipum innan toll­svæðis rík­is­ins greiði einnig gistin­átta­skatt,“ sagði í grein­ar­gerð með frum­varp­inu.

Með þessu er fellt á brott ákvæði í tolla­lögum sem kveður á um toll­frelsi til handa skemmti­ferða­skipum sem skráð eru erlendis en eru notuð í sigl­ingum innan íslenska toll­svæð­is­ins í allt að fjóra mán­uði á hverju tólf mán­aða tíma­bili. „Að baki til­lög­unni búa sam­keppnis- og jafn­ræð­is­sjón­ar­mið milli aðila, til að mynda gisti­staða og veit­inga­húsa, auk þess sem hér kann að vera um að ræða fjár­hags­lega hags­muni fyrir rík­is­sjóð,“ sagði í grein­ar­gerð frum­varps­ins.

„Þar sem stjórn­völd hafa ekki enn lagt mat á tjónið af aðgerð­inni hvetur Cruise Iceland til þess að afnámi toll­frels­is­ins verði frestað um tvö ár á meðan lagt er fullt mat á hag­ræn áhrif þess,“ segir í nýlegri ályktun stjórnar sam­tak­anna. Þau telja beinar tekjur af hafn­ar­gjöldum, áætl­aðri eyðslu ferða­manna, opin­berum gjöldum, olíu­sölu, flug­far­gjöldum og þjón­ustu vegna hring­sigl­inga á Íslandi nema 10,8 millj­örðum króna árlega.